ന്യൂദല്‍ഹി: രാജ്യത്ത് പാവപ്പെട്ടവരും പണക്കാരും തമ്മിലുള്ള അകലം വര്‍ധിക്കുകയാണെന്ന് രാജ്യസഭയില്‍ കോണ്‍ഗ്രസ് നേതാവ് ആനന്ദ് ശര്‍മ്മ. രാജ്യത്ത് തൊഴിലില്ലായ്മ വര്‍ധിച്ചുവെന്നും വ്യവസായ രംഗം മുമ്പെങ്ങുമില്ലാത്തവിധം തകര്‍ച്ചയിലാണെന്നും അദ്ദേഹം കുറ്റപ്പെടുത്തി.
സാമ്പത്തിക മാന്ദ്യം രാജ്യസഭയില്‍ ചര്‍ച്ചയായപ്പോഴായിരുന്നു ആനന്ദ് ശര്‍മ്മയുടെ പ്രതികരണം. രാജ്യത്തെ ജി.ഡി.പി ദിനംപ്രതി ഇടിയുകയാണെന്ന് അദ്ദേഹം പറഞ്ഞു.
സാമ്പത്തിക മാന്ദ്യത്തെ കുറിച്ച് കേന്ദ്ര സര്‍ക്കാര്‍ ഒന്നും മിണ്ടുന്നില്ല. നോട്ട് നിരോധനത്തിന്റെ തിരിച്ചടിയാണ് സാമ്പത്തിക മാന്ദ്യമെന്നും ജി.എസ്.ടി പരാജയമാണെന്നും ആനന്ദ് ശര്‍മ്മ കുറ്റപ്പെടുത്തി.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
നോട്ട് നിരോധനവും ജി.എസ്.ടിയും ജനങ്ങളെ അരക്ഷിതരാക്കിയെന്ന് തൃണമൂല്‍ എം.പി ഡെറിക് ഒബ്രിയനും പറഞ്ഞു. രാജ്യത്തെ സമസ്ത മേഖലകളും തകര്‍ച്ചയിലാണെന്ന് എളമരം കരീമും അഭിപ്രായപ്പെട്ടു.
