കായംകുളം : ഓടിക്കൊണ്ടിരുന്ന കെ.എസ്.ആർ.ടി.സി. ബസിൽ വെച്ച് പതിനൊന്നുകാരിയെ മാനഭംഗപ്പെടുത്താൻ ശ്രമിച്ച കണ്ടക്ടറെ പൊലീസ് അറസ്റ്റ് ചെയ്തു. മലപ്പുറം മഞ്ചേരി സരണിയിലെ മടമംഗലത്ത് ഹൗസിൽ ഗഫൂറിനെയാണ് കായംകുളം പൊലീസ് അറസ്റ്റ് ചെയ്തത്.
ഗഫൂറിനെതിരെ പോക്സോ നിയമം അനുസരിച്ചാണ് പൊലീസ് കേസ് രജിസ്റ്റർ ചെയ്തിരിക്കുന്നത്. ഞായറാഴ്ച വൈകിട്ടോടെയാണ് സംഭവം നടക്കുന്നത്. ഹരിപ്പാട് നങ്ങ്യാർകുളങ്ങരയിൽ നിന്നും ചവറയിലേക്ക് പോകുകയായിരുന്ന ബസിൽ കുടുംബത്തോടൊപ്പം യാത്ര ചെയ്യുകയായിരുന്ന പെൺകുട്ടിയെയാണ് ഗഫൂർ മാനഭംഗപ്പെടുത്താൻ ശ്രമിച്ചത്.
Also Read ഭൂമിയുള്ളടത്തോളം കാലം നിങ്ങളുടെ സ്ഫടികം നമ്മോടൊപ്പം ജീവിക്കും:സംവിധായകന്‍ ഭദ്രന്‍
കുട്ടിയുടെ ബന്ധുക്കൾ ഉടൻതന്നെ പിങ്ക് പോലീസിനെ വിവരം അറിയിക്കുകയും ബസ് കായംകുളം കെ.എസ്.ആർ.ടി.സി. ബസ് സ്റ്റാൻഡിൽ എത്തിയപ്പോൾ കായംകുളം പോലീസ് സംഘം കണ്ടക്ടറെ അറസ്റ്റ് ചെയ്യുകയുമായിരുന്നു. മലപ്പുറത്ത് നിന്നു തിരുവനന്തപുരത്തേക്കു സവാരി നടത്തുന്ന സൂപ്പർഫാസ്റ്റ് ബസിലെ കണ്ടക്ടറാണ് ഗഫൂർ.