എറണാകുളത്ത് നിയന്ത്രണങ്ങള്‍ കര്‍ശനം; കണ്ടൈന്‍മെന്റ് സോണുകളുടെ എണ്ണം വര്‍ധിപ്പിച്ചു
ഡൂള്‍ന്യൂസ് ഡെസ്‌ക്
Monday, 20th July 2020, 11:06 am
കൊച്ചി: സമ്പര്‍ക്ക രോഗികള്‍ ക്രമാതീതമായി വര്‍ധിക്കുന്ന സാഹചര്യത്തില്‍ എറണാകുളം ജില്ലയില്‍ നിയന്ത്രണങ്ങള്‍ കടുപ്പിക്കുന്നു. കൂടുതല്‍ പ്രദേശങ്ങള്‍ കണ്ടൈന്‍മെന്റ് സോണുകളായി പ്രഖ്യാപിച്ചിട്ടുണ്ട്.
ഇന്നലെ മാത്രം 97 പേര്‍ക്കാണ് കൊവിഡ് സ്ഥിരീകരിച്ചത്. ഒമ്പത് പേരൊഴികെ ബാക്കി എല്ലാവര്‍ക്കും സമ്പര്‍ക്കത്തിലൂടെയാണ് രോഗം സ്ഥിരീകരിച്ചത്. ചെല്ലാനം ക്ലസ്റ്ററില്‍ 19 പേര്‍ക്ക് രോഗബാധ സ്ഥിരീകരിച്ചു.
