'ഹിസ് ഹൈനസ്സ് മോദി ജീ' വാര്‍ത്ത വ്യാജമെന്ന് ന്യൂയോര്‍ക്ക് ടൈംസ്; വ്യാജ വാര്‍ത്ത വ്യാപകമായി പ്രചരിപ്പിച്ച് ബി.ജെ.പി പ്രൊഫൈലുകള്‍
ഡൂള്‍ന്യൂസ് ഡെസ്‌ക്
Wednesday, 29th September 2021, 1:38 pm
വാഷിംഗ്ടണ്‍: പ്രധാനമന്ത്രി നരേന്ദ്ര മോദിയെക്കുറിച്ച് പ്രചരിക്കുന്ന വാര്‍ത്ത നല്‍കിയത് തങ്ങളല്ലെന്ന് ന്യൂയോര്‍ക്ക് ടൈംസ്.
ബി.ജെ.പി അനൂകൂല പ്രൊഫൈലുകളില്‍ വ്യാപകമായി ന്യൂയോര്‍ക്ക് ടൈംസിന്റെ വാര്‍ത്ത പ്രചരിക്കുന്നുണ്ട്. എന്നാല്‍ ഇത് കെട്ടിച്ചമച്ചതാണെന്നും വ്യാജമാണെന്നും പത്രം തന്നെ വ്യക്തമാക്കി.
സത്യസന്ധമായ മാധ്യമപ്രവര്‍ത്തനം ആവശ്യമായൊരു സമയത്ത്
ഇത്തരത്തില്‍ ഫോട്ടോ ഷോപ്പ് ചെയ്ത വ്യാജ വാര്‍ത്ത പങ്കുവെയ്ക്കുന്നത് തെറ്റായ വിവരം പ്രചരിപ്പിക്കുന്നതിന് മാത്രമാണ് കാരണമാകുന്നതെന്നും പത്രം വ്യക്തമാക്കി.
” ലോകത്തിലെ അവസാനത്തെ, മികച്ച പ്രതീക്ഷ” എന്ന തലക്കെട്ടോടെ മോദിയുടെ ഫോട്ടോ ഉള്ള വാര്‍ത്താ കട്ടിംഗ് ആണ് ബി.ജെ.പി പ്രൊഫൈലുകള്‍ പ്രചരിപ്പിക്കുന്നത്.
