'അസഭ്യം പറയുന്ന ദൃശ്യങ്ങള്‍ പകര്‍ത്തി'; യൂത്ത് കോണ്‍ഗ്രസുകാര്‍ മീഡിയവണ്‍ ക്യാമറ പേഴ്‌സണെ കയ്യേറ്റം ചെയ്തതായി പരാതി
ഡൂള്‍ന്യൂസ് ഡെസ്‌ക്
Thursday, 16th March 2023, 3:57 pm
കൊച്ചി: മീഡിയവണ്‍ ക്യാമറ പേഴ്‌സണെ യൂത്ത് കോണ്‍ഗ്രസ് പ്രവര്‍ത്തകര്‍ കയ്യേറ്റം ചെയ്തതായി പരാതി. കൊച്ചി കോര്‍പറേഷന്‍ ഓഫീസിന് മുന്നിലെ കോണ്‍ഗ്രസ് പ്രതിഷേധം പകര്‍ത്തുന്നതിനിടെയാണ് മീഡിയവണ്‍ കാമറാമാന്‍ അനില്‍ എം. ബഷീറിന് മര്‍ദനമേറ്റത്.
പൊലീസിനെ പ്രവര്‍ത്തകര്‍ അസഭ്യം പറഞ്ഞത് ക്യാമറയില്‍ പകര്‍ത്തുന്നതിനിടെയായിരുന്നു മര്‍ദനമെന്നാണ് ജീവനക്കാരന്റെ പരാതി.
കൊച്ചി കോര്‍പറേഷനില്‍ കോണ്‍ഗ്രസിന്റെ പന്ത്രണ്ട് മണിക്കൂര്‍ ഉപരോധസമരം നടക്കുന്നത് റിപ്പോര്‍ട്ട് ചെയ്യാനെത്തിയതായിരുന്നു മീഡിയവണ്‍ സംഘം. ഇതിനിടയില്‍ പൊലീസിന് നേരെ അസഭ്യ പറയുന്ന ദൃശ്യം പകത്തുന്നതിനിടെ ഒരാള്‍ ആക്രോശിച്ച് കൊണ്ട് കൈ പിടിച്ച് തിരിക്കുകയിരുന്നവെന്ന് അനില്‍ എം. ബഷീര്‍ പരാതി പറയുന്നു.
