വാഹനാപകടത്തില്‍ പരിക്കേറ്റതിനെ തുടര്‍ന്നായിരുന്നു ഗോപിനാഥനെ ആശുപത്രിയില്‍ പ്രവേശിപ്പിച്ചത്. സംഭവത്തില്‍ ആരോഗ്യ മന്ത്രി വീണാ ജോര്‍ജിനാണ് കുടുംബം പരാതി നല്‍കിയിരിക്കുന്നത്.
കഴിഞ്ഞ തിങ്കളാഴ്ചയാണ് ഇയാള്‍ക്ക് അപകടം സംഭവിക്കുന്നത്. തുടര്‍ന്ന് വൈക്കം താലൂക്ക് ആശുപത്രിയില്‍ എത്തിച്ചെങ്കിലും മെഡിക്കല്‍ കോളേജിലേക്ക് കൊണ്ടുപോകാന്‍ പറയുകയായിരുന്നു.
ചൊവ്വാഴ്ചയാണ് മെഡിക്കല്‍ കോളേജില്‍ നിന്നും ശസ്ത്രക്രിയ നടത്തുന്നത്. തുടര്‍ന്ന് നാല് ദിവസത്തിന് ശേഷം തന്നെ ഡിസ്ചാര്‍ജ് ചെയ്യാന്‍ ഡോക്ടര്‍മാര്‍ നിര്‍ബന്ധിച്ചെന്ന് ബന്ധുക്കള്‍ പറയുന്നു. വാര്‍ഡിലേക്ക് മാറ്റിയതിന് ശേഷം രോഗിക്ക് മരുന്നുകളൊന്നും നല്‍കിയില്ലെന്നും ഇവര്‍ പറയുന്നു.
