'ശരീരം പ്രദര്‍ശിപ്പിക്കണമെങ്കില്‍ നാല് ചുവരിനുള്ളിലാവണം, ഉര്‍ഫി സമൂഹത്തിന്റെ വികൃതമായ മനോഭാവത്തിന് ഇന്ധനം പകരുന്നു'; അധിക്ഷേപ പരാമര്‍ശങ്ങളുമായി ബി.ജെ.പി നേതാവ്
എന്റര്‍ടെയിന്‍മെന്റ് ഡെസ്‌ക്
Sunday, 1st January 2023, 11:21 pm
മുംബൈ: നടിയും മോഡലുമായ ഉര്‍ഫി ജാവേദിനെതിരെ ബി.ജെ.പി നേതാവിന്റെ പരാതി. മഹാരാഷ്ട്ര മഹിള മോര്‍ച്ച നേതാവ് ചിത്ര കിഷോര്‍ വാഗ് ആണ് ഉര്‍ഫിക്കെതിരെ പരാതി നല്‍കിയത്. മുംബൈയിലെ തെരുവിലൂടെ ഉര്‍ഫി ശരീരം പ്രദര്‍ശിപ്പിച്ചു നടന്നു എന്നാണ് പരാതിയില്‍ പറയുന്നത്. ഇവരുടെ ശരീര പ്രദര്‍ശനമാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചാവിഷയമെന്നും ചിത്ര കിഷോര്‍ പരാതിയില്‍ ആരോപിച്ചു.
‘ഭരണഘടന ഉറപ്പുനല്‍കുന്ന അവകാശങ്ങളും സ്വാതന്ത്ര്യവും ഇത്തരത്തില്‍ അട്ടിമറിക്കപ്പെടുമെന്ന് ആരും കരുതിക്കാണില്ല. ഈ നടി ജീവിതത്തില്‍ ചെയ്യുന്നതില്‍ സമൂഹത്തിന് ഒന്നും ചെയ്യാനില്ല. അവര്‍ക്ക് ശരീരം പ്രദര്‍ശിപ്പിക്കണമെന്നുണ്ടെങ്കില്‍ അത് നാല് ചുവരിനുള്ളിലാവണം. സമൂഹത്തിന്റെ വികൃതമായ മനോഭാവത്തിന് ഇന്ധനം പകരുകയാണെന്ന കാര്യം അവര്‍ മറക്കുന്നു,’ പരാതിയില്‍ പറയുന്നു.
