ജാമിഅ മില്ലിയ സംഘര്‍ഷം; ദല്‍ഹി പൊലീസിനെതിരെ പരാതിയുമായി പൂര്‍വവിദ്യാര്‍ത്ഥി സംഘടന
ഡൂള്‍ന്യൂസ് ഡെസ്‌ക്
Tuesday, 18th February 2020, 7:23 pm
ന്യൂദല്‍ഹി: ദല്‍ഹി പൊലീസിനെതിരെ ജാമിഅ മില്ലിയ സര്‍വ്വകലാശാലയിലെ പൂര്‍വവിദ്യാര്‍ത്ഥി സംഘടന പരാതി നല്‍കി. ജാമിഅ നഗര്‍ പൊലീസ് സ്റ്റേഷനിലാണ് പരാതി നല്‍കിയത്. പൊലീസ് ലൈബ്രറിയില്‍ കയറി വിദ്യാര്‍ത്ഥികളെ മര്‍ദിക്കുന്ന സി.സി.ടി.വി ദൃശ്യങ്ങളുടെ അടിസ്ഥാനത്തിലാണ് പരാതി നല്‍കിയിരിക്കുന്നത്.
ജാമിഅ മില്ലിയയില്‍ പൊലീസുകാര്‍ വായനാമുറിയില്‍ കടന്ന് വിദ്യാര്‍ത്ഥികളെ അക്രമിച്ച ദൃശ്യങ്ങള്‍ സര്‍വ്വകലാശാലയിലെ ഒരു വിദ്യാര്‍ത്ഥി തന്നെയായിരുന്നു തന്റെ ഫേസ്ബുക്കിലൂടെ പുറത്തുവിട്ടത്. 2019 ഡിസംബര്‍ 15നായിരുന്നു സംഭവം.
