കാഠ്മണ്ഡു: പുഷ്പ കമല്‍ ധഹല്‍ വീണ്ടും നേപ്പാള്‍ പ്രധാനമന്ത്രിയാകും. പ്രതിപക്ഷ പാര്‍ട്ടിയായ കമ്മ്യൂണിസ്റ്റ് യൂണിഫൈഡ് മാര്‍ക്സിസ്റ്റ് ലെനിനിസ്റ്റ് പാര്‍ട്ടിയുടെയും മറ്റ് പാര്‍ട്ടികളുടെയും പിന്തുണയോടെയാണ് പുഷ്പ കമല്‍ ധഹല്‍ പ്രധാനമന്ത്രി സ്ഥാനത്തേക്ക് എത്തുന്നത്.
പ്രചണ്ഡ എന്ന പേരിലാണ് ഇദ്ദേഹം അറിയപ്പെടുന്നത്. മൂന്നാം തവണയാണ് പ്രചണ്ഡ നേപ്പാള്‍ പ്രധാനമന്ത്രിയാവുന്നത്. തിങ്കളാഴ്ച വൈകീട്ടാണ് സത്യപ്രതിജ്ഞ.
കമ്മ്യൂണിസ്റ്റ് പാര്‍ട്ടി ഓഫ് നേപ്പാള്‍ മാവോയിസ്റ്റ് സെന്റര്‍ ചെയര്‍മാനായിരുന്നു പ്രചണ്ഡ. 2008ലും 2016ലുമാണ് പ്രചണ്ഡ മുമ്പ് രണ്ട് തവണ നേപ്പാള്‍ പ്രധാനമന്ത്രിയായത്.
President Bidya Devi Bhandari on Sunday appointed CPN-Maoist Centre chairman #PushpaKamalDahal ‘Prachanda’ as the new Prime Minister of #Nepal.#NepalPM #Breaking_news pic.twitter.com/5GeHlpycEW
— Odisha Bhaskar (@odishabhaskar) December 25, 2022
13 വര്‍ഷത്തോളം ഒളിവിലായിരുന്ന പ്രചണ്ഡ സി.പി.എന്‍-മാവോയിസ്റ്റ് പാര്‍ട്ടി സായുധ പോരാട്ടം അവസാനപ്പിച്ചതിന് പിന്നാലെയാണ് മുഖ്യധാരാ രാഷ്ട്രീയത്തിലേക്കെത്തുന്നത്. 1996 മുതല്‍ 2006 വരെ മാവോയിസ്റ്റ് രീതികളില്‍ സായുധ പോരാട്ടത്തിന് ശ്രമിച്ച പ്രചണ്ഡ, 2006ല്‍ സമാധാന ഉടമ്പടിയില്‍ ഒപ്പുവെച്ചാണ് രാഷ്ട്രീയത്തിലേക്ക് എത്തുന്നത്.
Warmest congratulations @cmprachanda on being elected as the Prime Minister of Nepal. The unique relationship between India & Nepal is based on deep cultural connect & warm people-to-people ties. I look forward to working together with you to further strengthen this friendship.
— Narendra Modi (@narendramodi) December 25, 2022
ഈയടുത്ത് നടന്ന തെരഞ്ഞെടുപ്പില്‍ നേപ്പാളില്‍ തൂക്കുസഭയായിരുന്നു. അതിന്റെ അടിസ്ഥാനത്തില്‍ ആദ്യ രണ്ടര വര്‍ഷം പ്രചണ്ഡയായിരിക്കും പ്രധാനമന്ത്രി എന്നാണ് ധാരണ. 275 അംഗമുള്ള സഭയില്‍ 165 പേരുടെ പിന്തുണയും പ്രചണ്ഡ ഉറപ്പാക്കികഴിഞ്ഞു.
Content Highlight: Communist leader Pushpa Kamal Dhal is again the Prime Minister of Nepal
