അഹാന കൃഷ്ണയോട് പ്രതികരിച്ച ആ അക്കൗണ്ട് തങ്ങളുടേതല്ലെന്ന് വ്യക്തമാക്കി കുറുപ്പ് സിനിമാ പ്രവര്‍ത്തകര്‍; ഷെയര്‍ ചെയ്ത് ദുല്‍ഖര്‍ സല്‍മാനും സംവിധായകനും
എന്റര്‍ടെയിന്‍മെന്റ് ഡെസ്‌ക്
Wednesday, 29th July 2020, 3:03 pm
ദുല്‍ഖര്‍ സല്‍മാന്‍ നായകനായെത്തുന്ന കുറുപ്പ് സിനിമയുടെ ഒഫീഷ്യല്‍ ഇന്‍സ്റ്റഗ്രാം പേജിന്റെ വിശദാംശങ്ങള്‍ പുറത്ത് വിട്ട് അണിയറ പ്രവര്‍ത്തകര്‍. കുറുപ്പ് സിനിമയുടെ ഒഫീഷ്യല്‍ എഫ്.ബി അക്കൗണ്ട് വഴിയാണ് വിവരങ്ങള്‍ പുറത്ത് വിട്ടത്. ഈ പോസ്റ്റ് ദുല്‍ഖര്‍ സല്‍മാനും സംവിധായകന്‍ ശ്രീനാഥ് രാജേന്ദ്രനും ഷെയര്‍ ചെയ്തിട്ടുണ്ട്.
നടി അഹാന കൃഷ്ണയോട് കുറുപ്പ്മൂവിഒഫീഷ്യല്‍ എന്ന ഇന്‍സ്റ്റഗ്രാം അക്കൗണ്ട് മോശമായി പ്രതികരിക്കുന്ന സ്‌ക്രീന്‍ ഷോട്ട് പ്രചരിച്ചിരുന്നു. ഇതിനെ തുടര്‍ന്നാണ് ചിത്രത്തിന്റെ അണിയറ പ്രവര്‍ത്തകര്‍ ആ അക്കൗണ്ട് തങ്ങളുടേതല്ലെന്നും ഒഫീഷ്യല്‍ അക്കൗണ്ട് ഏതെന്ന് വ്യക്തമാക്കിയതെന്നും കരുതുന്നു.
