ഇത് കളര്‍ ആകും; പൊട്ടിച്ചിരിപ്പിക്കാന്‍ സിനിമയെ വെല്ലുന്ന ഒരു ഷോര്‍ട്ട് ഫിലിം, കളര്‍ പടം ടീസര്‍ പുറത്ത്
എന്റര്‍ടെയിന്‍മെന്റ് ഡെസ്‌ക്
Wednesday, 20th October 2021, 6:18 pm
അശ്വിന്‍ ജോസും, മമിത ബൈജുവും ഒരുമിക്കുന്ന ‘കളര്‍ പടം’ എന്ന ഫാമിലി കോമഡി എന്റര്‍ടെയ്‌നര്‍ ഷോര്‍ട്ട് ഫിലിമിന്റെ ടീസര്‍ പുറത്തുവിട്ടു. കോമഡിക്കും റൊമാന്‍സിനും ഒരുപോലെ പ്രാധാന്യം കൊടുത്ത് നഹാസ് ഹിദായത്താണ് ചിത്രമൊരുക്കുന്നത്.
കൊവിഡിന്റെ പശ്ചാത്തലത്തില്‍ നഹാസ് ഒരുക്കിയ റൊമാന്റിക്കല്‍ ഷോര്‍ട്ട് ഫിലിം ’14 days of love’ ശ്രദ്ധേയമായിരുന്നു. യൂട്യൂബില്‍ 12 മില്യണ്‍ പേരാണ് ഇത് കണ്ടത്.
സംവിധായകനും നടനുമായ ബേസില്‍ ജോസഫിന്റെ ഒപ്പം സംവിധാന സഹായിയായി പ്രവര്‍ത്തിച്ചായാളാണ് നഹാസ് ഹിദായത്ത്. വിനീത് ശ്രീനിവാസന്‍ ആണ് ഈ ചിത്രത്തിന് വേണ്ടി ഗാനം ആലപിച്ചിരിക്കുന്നത്.
ക്യാമറ കൈകാര്യം ചെയ്തിരിക്കുന്നത് വിഷ്ണുപ്രസാദ് ആണ്. മ്യൂസിക് – ജോയല്‍ ജോണ്‍സ്, ലിറിക്സ് – ടിറ്റോ പി തങ്കച്ചന്‍, എഡിറ്റര്‍ – അജ്മല്‍ സാബു,ഡി ഐ -ഡോണ്‍ ബി ജോണ്‍സ്, പി.ആര്‍.ഒ ആതിര ദില്‍ജിത്.
