വാഷിംഗ്ടണ്‍ : ജോര്‍ജ് ഫ്‌ളോയിഡിന്റെ കൊലപാതകത്തെ തുടര്‍ന്ന് അമേരിക്കയില്‍ നടക്കുന്ന പ്രതിഷേധം സി.എന്‍.എന്‍ ഹെഡ് ക്വാര്‍ട്ടേഴ്സിന് നേരെയും. അറ്റ്ലാന്റയിലെ ഓഫീസിന് നേരെയാണ് കടുത്ത പ്രതിഷേധം ഉണ്ടായത്. പ്രതിഷേധക്കാരുടെ അക്രമത്തില്‍ ഓഫീസിന്റെ ജനാലകളും ഗ്ലാസുകളും തകര്‍ന്നതായും സി.എന്‍.എന്നിന്റെ ലോഗോ നശിപ്പിച്ചതായും സി.എന്‍.എന്‍ അധികൃതര്‍ പറഞ്ഞു.
അമേരിക്കയില്‍ കറുത്ത വര്‍ഗക്കാരനായ ജോര്‍ജ് ഫ്ളോയിഡിനെ പൊലീസ് കഴുത്ത് ഞെരിച്ച് കൊലപ്പെടുത്തിയതിന് പിന്നാലെ അമേരിക്കയില്‍ വ്യാപകമായ പ്രതിഷേധം പൊട്ടിപ്പുറപ്പെട്ടിരുന്നു. ശക്തമായി പ്രതിഷേധം നടന്നുകൊണ്ടിരിക്കുന്ന നഗരങ്ങളില്‍ ഒന്നാണ് അമേരിക്കയിലെ അറ്റ്ലാന്റ.
Glass getting broken outside the main entrance to CNN’s Atlanta headquarters; protesters cheer pic.twitter.com/EToiEj5Pom
— Fernando Alfonso III (@fernalfonso) May 29, 2020
നേരത്തെ പ്രതിഷേധം റിപ്പോര്‍ട്ട് ചെയ്യാനെത്തിയ സി.എന്‍.എന്‍ വാര്‍ത്ത സംഘത്തെ പൊലീസ് അറസ്റ്റ് ചെയ്തിരുന്നു. പിന്നിട് വിട്ടയക്കുകയായിരുന്നു.
