അടഞ്ഞു കിടക്കുന്ന തിയേറ്ററുകള്‍; ജോലിയില്ലാതായ തൊഴിലാളികള്‍; സഹായമെത്തിച്ച് പൃഥ്വിരാജ് ഫാന്‍സ്
എന്റര്‍ടെയിന്‍മെന്റ് ഡെസ്‌ക്
Monday, 20th July 2020, 5:11 pm
തിരുവനന്തപുരം: കൊവിഡ് ഉയര്‍ത്തിയ ഭീഷണിയില്‍ വരുമാനം നിലച്ചവരില്‍ മുന്നില്‍ നില്‍ക്കുന്ന തൊഴിലാളികളാണ് തിയേറ്റര്‍ തൊഴിലാളികള്‍. ലോക്ക്ഡൗണ്‍ പ്രഖ്യാപിച്ചതോടെ അടച്ചുപൂട്ടിയ തിയേറ്ററുകള്‍ ഇനി എന്ന് തുറക്കുമെന്ന കാര്യത്തില്‍ ഒരു ഉറപ്പുമില്ല.
മാര്‍ച്ച് മാസം മുതല്‍ വരുമാനം നിലച്ചിരിക്കുകയണ് തിയേറ്റര്‍ തൊഴിലാളികള്‍ക്ക്. ഇനി എന്നാണ് തങ്ങള്‍ക്ക് തൊഴിലുണ്ടാവുക എന്ന കടുത്ത ആശങ്കയിലാണ് ഇവര്‍.
ഇപ്പോഴിതാ ഈ തൊഴിലാളികകള്‍ക്ക് സഹായവുമായി എത്തിയിരിക്കുകയാണ് നടന്‍ പൃഥ്വിരാജിന്റെ ഫാന്‍സ് അസോസിയേഷന്‍ പ്രവര്‍ത്തകര്‍. തിയേറ്റര്‍ ജീവനക്കാര്‍ക്കുള്ള ഭക്ഷ്യധാന്യ കിറ്റുകളുമായിട്ടാണ് ഇവര്‍ എത്തിയത്.
