യൂത്ത് കോണ്‍ഗ്രസ് ബഫര്‍സോണ്‍ പ്രതിഷേധത്തിനിടെ സി.പി.ഐ.എം പ്രവര്‍ത്തകര്‍ കയറി; കൂരാച്ചുണ്ടില്‍ സംഘര്‍ഷം
ഡൂള്‍ന്യൂസ് ഡെസ്‌ക്
Wednesday, 21st December 2022, 11:29 pm
കോഴിക്കോട്: കൂരാച്ചുണ്ടില്‍ യൂത്ത് കോണ്‍ഗ്രസ് പ്രതിഷേധ പരിപാടിക്കിടെ സംഘര്‍ഷം. സി.പി.ഐ.എം പ്രവര്‍ത്തകരും പ്രതിഷേധക്കാരും തമ്മിലാണ് സംഘര്‍മുണ്ടായത്.
കൂരാച്ചുണ്ട് യൂത്ത് കോണ്‍ഗ്രസ് മണ്ഡലം കമ്മിറ്റിയുടെ നേതൃത്വത്തില്‍ വനം വകുപ്പ് മന്ത്രി എ.കെ. ശശീന്ദ്രന്റെ കോലം കത്തിച്ചു. ഇതില്‍ പ്രതിഷേധിച്ച് പരിപാടിയിലേക്ക് പ്രാദേശിക സി.പി.ഐ.എം പ്രവര്‍ത്തകരെത്തിയതോടെ സംഘര്‍മുണ്ടാവുകയായിരുന്നു.
ബഫര്‍സോണ്‍ വിഷയത്തിലും വന്യജീവി ശല്യത്തിലും സര്‍ക്കാര്‍ നടപടിയെടുക്കുന്നില്ല എന്നുമാരോപിച്ചായിരുന്നു കോണ്‍ഗ്രസ് പ്രതിഷേധം. കൂരാച്ചുണ്ട് ടൗണിലായിരുന്നു പ്രതിഷേധ പ്രകടനങ്ങള്‍ നടന്നത്. സംഭവത്തില്‍ പൊലീസ് കേസെടുത്തിട്ടുണ്ട്.
