കേരള ബ്ലാസ്‌റ്റേഴ്‌സിന്റെ കരുത്തായ കണ്ണൂരുകാരന്‍ സി.കെ വിനീത് ഇന്ന് മലയാളികളുടെ മൊത്തം അഭിമാനമാണ്. കേരള ബ്ലാസ്‌റ്റേഴ്‌സിന്റെ ഐ.എസ്.എല്‍ സ്വപ്‌നങ്ങള്‍ക്ക് ചിറക് നല്‍കിയത് വീനീതാണെന്ന് വേണമെങ്കില്‍ പറയാം.
ഐ.എസ്.എല്‍ മത്സരങ്ങള്‍ക്കിടെ മലയാളത്തിന്റെ സൂപ്പര്‍താരങ്ങളായ മോഹന്‍ലാലിനേയും മമ്മൂട്ടിയേയും കണ്ടുമുട്ടിയ അപൂര്‍വ നിമിഷത്തെ കുറിച്ച് മനസുതുറക്കുകയാണ് സി.കെ വിനീത്.
.മമ്മൂട്ടിയാണ് തന്റെ സൂപ്പര്‍താരമെന്നും മാതൃകയെന്നും പറയുന്നു വിനീത്. മമ്മൂട്ടിക്കൊപ്പം നില്‍ക്കുന്ന ചിത്രം ഫേസ്ബുക്കിലൂടെ പങ്കുവെച്ചാണ് വിനീത് തന്റെ ഇഷ്ടതാരത്തെക്കുറിച്ച് പറയുന്നത്.
എന്റെ സൂപ്പര്‍ഹീറോ! എന്റെ മാതൃക! അദ്ദേഹത്തെ എപ്പോള്‍ കണ്ടാലും ജീവിതം മാറിമറിയുന്നു. ചിത്രത്തില്‍ കാണുന്ന ഈ നിമിഷത്തില്‍ എന്റെ ഹൃദയം നിലച്ചുപോയി. ഇതെഴുതുമ്പോഴും കൈകള്‍ക്ക് വിറയലുണ്ട്. വിനീത് പറയുന്നു.
എനിക്ക് ലഭിച്ച ഈ ദിവസങ്ങള്‍ വിശ്വസിക്കാനാവുന്നില്ല. മലയാളം സിനിമാ മേഖലയിലെ രണ്ട് ഇതിഹാസ താരങ്ങളെ നേരിട്ട് കാണാനും അവരുടെ സാമിപ്യം അനുഭവിക്കാനും കഴിഞ്ഞു- ലാലേട്ടനു മമ്മൂക്കക്കുമൊപ്പമുള്ള ഫോട്ടോ ഷെയര്‍ ചെയ്ത് വിനീത് പറയുന്നു.