സിവില്‍ സര്‍വ്വീസ് പ്രിലിമിനറി പരീക്ഷ മാറ്റിവെച്ചു
ഡൂള്‍ന്യൂസ് ഡെസ്‌ക്
Tuesday, 5th May 2020, 10:49 am
ന്യൂദല്‍ഹി: ഈ വര്‍ഷത്തെ സിവില്‍ സര്‍വീസസ് പ്രിലിമിനറി പരീക്ഷ യു.പി.എസ്.സി മാറ്റിവെച്ചു. പുതുക്കിയ തീയതി മേയ് 20ന് പ്രഖ്യാപിക്കും.
കൊവിഡ് 19 നെത്തുടര്‍ന്ന് രാജ്യത്ത് മേയ് 17 വരെ ലോക് ഡൗണ്‍ നീട്ടിയ സാഹചര്യം കണക്കിലെടുത്താണ് മേയ് 31ന് നടത്താന്‍ തീരുമാനിച്ചിരുന്ന പ്രിലിമിനറി പരീക്ഷമാറ്റിയത്.
എന്‍ജിനീയറിങ് സര്‍വീസസ് മെയിന്‍ പരീക്ഷ, ജിയോളജിസ്റ്റ് മെയിന്‍ പരീക്ഷ എന്നിവയും യു.പി.എസ്.സി മാറ്റിവെച്ചിരുന്നു. സ്റ്റാഫ് സെലക്ഷന്‍ കമ്മീഷനും വിവിധ തസ്തികകളിലേക്കുള്ള പരീക്ഷകള്‍ മാറ്റിവെച്ചിട്ടുണ്ട്.
