'തോക്കിന്റെ മുമ്പില്‍ എന്ത് ത്രിമൂര്‍ത്തി, കാഞ്ചി വലിച്ചാല്‍ ഉണ്ട കേറും'; ക്രിസ്റ്റഫര്‍ സക്‌സസ് ടീസര്‍ പുറത്ത്
ഡൂള്‍ന്യൂസ് ഡെസ്‌ക്
Wednesday, 15th February 2023, 6:58 pm
ക്രിസ്റ്റഫരിന്റെ സക്‌സസ് ടീസര്‍ പുറത്തുവിട്ട് അണിയറപ്രവര്‍ത്തകര്‍. ടീസര്‍ ആരംഭിക്കുന്നത് വില്ലന്റെ മാസിലൂടെയാണ്. എന്നാല്‍ അടുത്ത നിമിഷം വില്ലന് മേലെ നില്‍ക്കുന്ന മമ്മൂട്ടിയേയാണ് ടീസറില്‍ കാണിച്ചിരിക്കുന്നത്.
ബയോഗ്രാഫി ഓഫ് എ വിജിലന്റ് കോപ്പ് എന്ന ടാഗ് ലൈനോടുകൂടിയാണ് ക്രിസ്റ്റഫര്‍ എത്തിയത്. ഇതുവരെ ചിത്രം തിയേറ്ററില്‍ കാണാത്തവരെ ആകര്‍ഷിക്കുന്ന രീതിയിലാണ് ഇപ്പോള്‍ പുറത്തുവിട്ട ടീസര്‍. സമ്മിശ്ര പ്രതികരണമാണ് ചിത്രത്തിന് ലഭിക്കുന്നത്.
ചിത്രത്തിന്റെ തിരക്കഥ ഒരുക്കിയത് ഉദയ കൃഷ്ണയാണ്. മോഹന്‍ലാല്‍ ചിത്രം ആറാട്ടിന് ശേഷം ബി. ഉണ്ണികൃഷ്ണനും ഉദയകൃഷ്ണയും ഒന്നിക്കുന്ന ചിത്രമാണിത്.
