ഉത്തര്‍പ്രദേശില്‍ ക്ലോറിന്‍ വാതക ചോര്‍ച്ച; 10 നഴ്‌സിങ് വിദ്യാര്‍ത്ഥികള്‍ ആശുപത്രിയില്‍
ഡൂള്‍ന്യൂസ് ഡെസ്‌ക്
Friday, 3rd November 2023, 4:15 pm
ലഖ്നൗ: ഉത്തര്‍പ്രദേശിലെ മധുരയിലുള്ള ചീഫ് മെഡിക്കല്‍ ഓഫീസിലെ സിലിണ്ടറില്‍ നിന്ന് ക്ലോറിന്‍ വാതകം ചോര്‍ന്നതിനെ തുടര്‍ന്ന് വെള്ളിയാഴ്ച 10 നഴ്‌സിങ് വിദ്യാര്‍ത്ഥികളെ ആശുപത്രിയില്‍ പ്രവേശിപ്പിച്ചു. വ്യാഴാഴ്ച രാത്രി മുതല്‍ വാതക ചോര്‍ച്ചയുണ്ടായിട്ടുണ്ടെന്നാണ് സ്ഥലത്തെത്തിയ അഗ്‌നിശമന സേനയിലെ ഉദ്യോഗസ്ഥര്‍ പറയുന്നത്.
രാത്രി മുതലുണ്ടായ വാതക ചോര്‍ച്ച താത്ക്കാലികമായി നിയന്ത്രിക്കാന്‍ സാധിച്ചെങ്കിലും ചോര്‍ച്ച വീണ്ടും ആവര്‍ത്തിച്ചെന്നും ഉദ്യോഗസ്ഥര്‍ അറിയിച്ചു. വാതക ചോര്‍ച്ച വിദ്യാര്‍ത്ഥികളിലും ഉദ്യോഗസ്ഥരിലും ശ്വാസതടസം ഉണ്ടാക്കിയെന്നും ജോലി ചെയ്യുന്നതില്‍ ബുദ്ധിമുട്ട് നേരിട്ടെന്നും സ്ഥാപനത്തിന്റെ അധികൃതര്‍ പറഞ്ഞു.
