തെലുങ്കിലെ സ്റ്റീഫന്‍ നെടുമ്പള്ളി സല്‍മാനൊപ്പം ഡാന്‍സ് കളിക്കും; ഗോഡ്ഫാദറില്‍ കൊറിയോഗ്രാഫറായി പ്രഭുദേവ
എന്റര്‍ടെയിന്‍മെന്റ് ഡെസ്‌ക്
Tuesday, 3rd May 2022, 10:49 am
തെന്നിന്ത്യന്‍ സിനിമാ ലോകത്ത് ചര്‍ച്ചയാണ് മെഗാസ്റ്റാര്‍ ചിരഞ്ജീവിയുടെ ഗോഡ്ഫാദര്‍ എന്ന സിനിമ. പൃഥ്വിരാജിന്റെ സംവിധാനത്തില്‍ മോഹന്‍ലാല്‍ അഭിനയിച്ച് മലയാളത്തില്‍ സൂപ്പര്‍ ഹിറ്റായ ലൂസിഫറിന്റെ തെലുങ്ക് റീമേക്കാണ് ചിത്രം.
ഗോഡ്ഫാദറില്‍ ബോളിവുഡ് സൂപ്പര്‍ സ്റ്റാര്‍ സല്‍മാന്‍ ഖാന്‍ അതിഥി വേഷത്തിലെത്തുമെന്ന റിപ്പോര്‍ട്ടുകള്‍ നേരത്തെ പുറത്ത് വന്നിരുന്നു. ഇരുവരും ഒന്നിച്ചൊരു ഡാന്‍സ് നമ്പറും ചിത്രത്തില്‍ ചെയ്‌തേക്കുമെന്ന് പിങ്ക്‌വില്ല റിപ്പോര്‍ട്ട് ചെയ്യുന്നു.
ചിരഞ്ജീവിയും സംവിധായകന്‍ മോഹന്‍ രാജയും കൊറിയോഗ്രാഫര്‍ പ്രഭുദേവയും ഒന്നിച്ച് നില്‍ക്കുന്ന ചിത്രം സംഗീത സംവിധായകന്‍ എസ്. എസ്. തമന്‍ ട്വീറ്റ് ചെയ്തിരുന്നു.
