ആമിര്‍ഖാനൊപ്പമിരുന്ന് ലാല്‍ സിങ് ചദ്ദ കണ്ട് മെഗാസ്റ്റാര്‍, ഒപ്പം രാജമൗലിയും; വീഡിയോ പുറത്ത്
എന്റര്‍ടെയിന്‍മെന്റ് ഡെസ്‌ക്
Saturday, 16th July 2022, 2:12 pm
ഇന്ത്യന്‍ സിനിമാപ്രേമികള്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ആമിര്‍ഖാന്റെ ലാല്‍ സിങ് ചദ്ദ. ആഗസ്റ്റ് 11ന് തിയേറ്ററുകളില്‍ എത്തുന്ന ചിത്രത്തില്‍ വന്‍ താരനിരയാണ് അണിനിരക്കുന്നത്. ഇപ്പോഴിതാ ചിത്രത്തിന്റെ പ്രത്യേക പ്രിവ്യൂ ഷോ നടന്നിരിക്കുന്നതിന്റെ വീഡിയോയാണ് പുറത്തുവന്നിരിക്കുന്നത്.
ഹൈദരാബാദില്‍ മെഗാസ്റ്റാര്‍ ചിരഞ്ജീവിയുടെ വീട്ടില്‍ വെച്ചായിരുന്നു ചിത്രത്തിന്റെ പ്രിവ്യൂ ഷോ നടന്നത്. സംവിധായകന്‍ രാജമൗലി, തെലുങ്ക് സൂപ്പര്‍ താരം നാഗാര്‍ജ്ജുന, റാം ചരന്‍, നാഗചൈതന്യ തുടങ്ങിയവരും ചിത്രം കണ്ടു. ചിരഞ്ജീവി തന്നെയാണ് ഇക്കാര്യം ട്വിറ്ററിലൂടെ അറിയിച്ചത്.
വര്‍ഷങ്ങള്‍ക്ക് മുന്‍പ് ജപ്പാനിലെ കൈറ്റോ എയര്‍പോര്‍ട്ടില്‍ വെച്ച് ചിത്രത്തെ പറ്റി ആമിര്‍ഖാനുമായി സംസാരിക്കാന്‍ സാധിച്ചു എന്നും അതാണ് ലാല്‍ സിങ് ചദ്ദയുടെ ഭാഗമാകാന്‍ കാരണമായത് എന്നും അദ്ദേഹം പറയുന്നു.
