ഗോഡ്ഫാദറിന്റെ വിജയത്തിന് പിന്നില്‍ മസൂദ് ഭായ്, ലവ് യു, ഉമ്മ; സല്മാന് നന്ദി പറഞ്ഞ് ചിരഞ്ജീവി
എന്റര്‍ടെയിന്‍മെന്റ് ഡെസ്‌ക്
Monday, 10th October 2022, 7:58 am
കഴിഞ്ഞ ഒക്ടോബര്‍ അഞ്ചിനാണ് ചിരഞ്ജീവി നായകനായ ഗോഡ്ഫാദര്‍ തിയേറ്ററുകളിലേക്ക് എത്തിയത്. മലയാളത്തില്‍ സൂപ്പര്‍ഹിറ്റായ മോഹന്‍ലാല്‍ ചിത്രം ലൂസിഫറിന്റെ തെലുങ്ക് റീമേക്കാണ് ഗോഡ്ഫാദര്‍. ചിത്രത്തില്‍ പൃഥ്വിരാജ് അവതരിപ്പിച്ച സയിദ് മസൂദ് എന്ന കഥാപാത്രത്തെ തെലുങ്കില്‍ ബോളിവുഡ് താരം സല്മാന് ഖാനാണ് ചെയ്തത്.
ഗോഡ്ഫാദറിന്റെ വിജയത്തിന് സല്മാന് ഖാനെ അഭിനന്ദിക്കുകയാണ് ചിരഞ്ജീവി. സോഷ്യല്‍ മീഡിയയില്‍ അപ്‌ലോഡ് ചെയ്ത വീഡിയോയില്‍ സയിദ് മസൂദാണ് ഗോഡ്ഫാദറിന്റെ വിജയത്തിന് പിന്നിലെന്ന് ചിരഞ്ജീവി പറഞ്ഞു.
‘കണ്‍ഗ്രാജുലേഷന്‍സ് സല്ലു ഭായ്, ഗോഡ്ഫാദറിന്റെ അത്ഭുതാവഹമായ വിജയത്തിന് പിന്നില്‍ മസൂദ് ഭായിയാണ്. താങ്ക്യൂ ആന്‍ഡ് ലവ് യു, വന്ദേ മാതരം,’ ചിരഞ്ജീവി വീഡിയോയില്‍ പറഞ്ഞു.
