തെക്കുകിഴക്കന്‍ ചൈനയിലെ ഫ്യൂജിയാന്‍ പ്രവിശ്യയിലെ എ ഡ്വാന്‍ എന്നയാളാണ് മകളെ ഓണ്‍ലൈനായി വിറ്റത്. ഈ പണം കൊണ്ട് ഐഫോണും മോട്ടോര്‍ബൈക്കും വാങ്ങാനായിരുന്നു എ ഡ്വാന്റെ തീരുമാനം.
കുട്ടിയുടെ അമ്മ ക്‌സിയോ മെ പലയിടങ്ങളിലായി പാര്‍ട്ട് ടൈം ജോലി ചെയ്തു കുടുംബം പുലര്‍ത്തുമ്പോള്‍ പിതാവ് ഇന്റര്‍നെറ്റ് കഫെയിലാണ് സമയം ചിലവഴിച്ചിരുന്നത്.
2013ല്‍ കണ്ടുമുട്ടിയ ഇവര്‍ വിവാഹപ്രായമായിട്ടില്ലെന്നതിനാല്‍ നിയമപ്രകാരം വിവാഹിതരായിട്ടില്ല. അപ്രതീക്ഷിതമായ ഗര്‍ഭധാരണത്തെ തുടര്‍ന്നുണ്ടായ ഈ കുട്ടി ഇവര്‍ക്കൊരു ബാധ്യതയായിരുന്നു. ഇതേത്തുടര്‍ന്നാണ് ഇഷ്ടപ്പെട്ട ഫോണും ബൈക്കും വാങ്ങാനായി ഡ്വാന്‍ കുട്ടിയെ വില്‍ക്കാന്‍ തീരുമാനിച്ചത്.
കുട്ടിയെ വാങ്ങിയ പെണ്‍കുട്ടി തന്നെയാണ് നിയമപരമായി കുഞ്ഞിനെ നേടുന്നതിനായി പോലീസിനെ സമീപിച്ചത്. കുട്ടിയെ വിറ്റശേഷം കടന്നുകളഞ്ഞ പിതാവിനെ പോലീസ് പിന്തുടര്‍ന്ന് പിടികൂടുകയായിരുന്നു.