1416 വോട്ടാണ് ലീയ്ക്ക് ലഭിച്ചത്. കമ്മിറ്റിയിലെ ഭൂരിഭാഗം പേരും ചൈനയെ പിന്തുണക്കുന്നവരാണ്.
എന്നാല്‍ ജോണ്‍ ലീയുടെ സ്ഥാനാരോഹണം ഹോങ് കോങ്ങില്‍ ചൈനീസ് വിരുദ്ധ, പ്രതിഷേധ സ്വരങ്ങള്‍ ഉയരാതിരിക്കാന്‍ ചൈനയുടെ ഭാഗത്ത് നിന്നുള്ള നീക്കമാണെന്നും വിലയിരുത്തലുകള്‍ പുറത്തുവരുന്നുണ്ട്.
ചൈനീസ് സ്‌പെഷ്യല്‍ അഡ്മിനിസ്‌ട്രേറ്റീവ് റീജിയണായ ഹോങ് കോങ്ങില്‍ ചൈനയുടെ ഇടപെടലുകള്‍ക്കെതിരെ വലിയ പ്രതിഷേധമാണ് ഉയരാറുള്ളത്.
നേരത്തെ, ഹോങ് കോങ്ങിനെ പൂര്‍ണമായും നിയന്ത്രണത്തിലാക്കുന്ന തരത്തില്‍ വിവാദമായ സുരക്ഷാ ബില്‍ ചൈന പാസാക്കിയതിനു പിന്നാലെ ഇവിടെ ശക്തമായ പ്രതിഷേധം ഉയര്‍ന്നുവന്നിരുന്നു.
സ്‌പെഷ്യല്‍ അഡ്മിനിസ്‌ട്രേറ്റീവ് റീജിയണ്‍ എന്ന നിലക്ക് സ്വതന്ത്രമായി തങ്ങള്‍ക്ക് നിലകൊള്ളണമെന്നാണ് ചൈനീസ് ഭരണകൂടത്തിന്റെ ഇടപെടലുകള്‍ക്കെതിരെ പ്രതിഷേധിക്കുന്ന ഹോങ് കോങ്ങുകാരുടെ ആവശ്യം.
