കുട്ടിയെ കൂടുതല്‍ പരിശോധനയ്ക്കായി എറണാകുളം ജനറല്‍ ആശുപത്രിയിലേക്ക് കൊണ്ടുപോയി. വിമാനത്തിലെ മെഡിക്കല്‍ ഹെല്‍പ്‌ഡെസ്‌ക്കില്‍ പരിശോധനയ്ക്ക് വിധേയനാക്കിയപ്പോളാണ് എബോളയുടെ ലക്ഷണം കണ്ടത്.
നൈജീരിയയില്‍ നിന്ന് കഴിഞ്ഞ ദിവസം രാത്രിയാണ് കുട്ടി കുടുംബത്തോടൊപ്പം വിമാനത്താവളത്തിലെത്തിയിരുന്നത്. രോഗം ഇതുവരെ സ്ഥരീകരിച്ചിട്ടില്ല.
എബോളയ്‌ക്കെതിരെയുള്ള സുരക്ഷാ മുന്‍കരുതലിന്റെ ഭാഗമായി രാജ്യത്തെ എല്ലാ വിമാത്താവളങ്ങളിലും വിദേശത്ത് നിന്ന് വരുന്നവരെ പരിശോധനയ്ക്ക് വിധേയരാക്കുന്നുണ്ട്. കേരളത്തിലെ മൂന്ന് വിമാനത്താവളങ്ങളിലും വിദേശത്ത് നിന്നെത്തുന്നവരെ പരിശോധിക്കാന്‍ പ്രത്യേക മെഡിക്കല്‍ സംഘമുണ്ട്.
കുട്ടിക്ക് കടുത്ത പനിയും എബോളയുടെ മറ്റ് ലക്ഷണങ്ങളുമുണ്ടെന്നാണ് അധികൃതരില്‍ നിന്ന് ലഭിക്കുന്ന സൂചന.