ചെന്നൈ: കലാപം രൂക്ഷമായ സാഹചര്യത്തില്‍ മണിപ്പൂരിലെ കായിക താരങ്ങളെ തമിഴ്‌നാട്ടിലേക്ക് ക്ഷണിച്ച് മുഖ്യമന്ത്രി എം.കെ. സ്റ്റാലിന്‍. തമിഴ്‌നാട്ടില പരിശീലന കേന്ദ്രങ്ങള്‍ ഉപയോഗിക്കാമെന്ന് അദ്ദേഹം പറഞ്ഞു. ‘എല്ലാ ഊരും എങ്ക ഊര്, എല്ലാ മക്കളും നമ്മ മക്കള്‍’ എന്ന തമിഴ് കവിതയിലെ വാചകങ്ങള്‍ ഉദ്ധരിച്ചുകൊണ്ടാണ് എം.കെ. സ്റ്റാലിന്‍ മണിപ്പൂരിലെ കായിക താരങ്ങളെ തമിഴ്‌നാട്ടിലേക്ക് ക്ഷണിച്ചത്.
ഏഷ്യന്‍ ഗെയിംസിന് അടക്കം പരിശീലന സൗകര്യം നല്‍കുമെന്നും തുടര്‍നടപടികള്‍ക്ക് കായികമന്ത്രി ഉദയനിധി സ്റ്റാലിനെ ചുമതലപ്പെടുത്തിയതായും സ്റ്റാലിന്‍ അറിയിച്ചു.
Understanding the current challenges faced by Manipur sportspersons, I cordially invite athletes from Manipur for sports training in Tamil Nadu ahead of #KheloIndia2024. Hon’ble Minister @Udhaystalin has also promised his support to facilitate their stay and training here.
Let’s… https://t.co/aHA9nqOTM8
— M.K.Stalin (@mkstalin) July 23, 2023
‘കായികതാരങ്ങള്‍ക്ക് ഖേലോ ഇന്ത്യ, ഏഷ്യന്‍ ഗെയിംസ് പോലുള്ള കായികപരിപാടികള്‍ക്ക് സജ്ജരാകാനുള്ള സാഹചര്യമല്ല മണിപ്പുരില്‍ നിലവിലുള്ളത്.
ചാമ്പ്യന്മാരെ, പ്രത്യേകിച്ച് വനിതാ ചാമ്പ്യന്മാരെ സൃഷ്ടിക്കുന്നതില്‍ മണിപ്പുര്‍ പ്രശസ്തമാണ്. എന്നാല്‍ ഏറെ ആശങ്കയോടെയും വേദനയോടെയുമാണ് സംസ്ഥാനത്തെ നിലവിലെ സ്ഥിതിഗതികളെ തമിഴ്നാട് നോക്കിക്കാണുന്നത്. മണിപ്പൂരില്‍ നിന്നുള്ള താരങ്ങള്‍ രാജ്യത്തിന്റെ അഭിമാനമാകണം.
