ഛത്തീസ്ഖണ്ഡിലെ ഒരു മണ്‍പാത്ര നിര്‍മാണക്കാരന്‍ ഉണ്ടാക്കുന്ന മണ്‍ചിരാതുകളാണ് ഇപ്പോള്‍ സോഷ്യല്‍ മീഡിയയില്‍ തരംഗമാവുന്നത്. മറ്റ് മണ്‍ചിരാതുകളെ പോലെ ഈ വിളക്ക് പെട്ടന്നൊന്നും അണയില്ല. 24 മണിക്കൂറു മുതല്‍ 40 മണിക്കൂര്‍ വരെ ഈ മണ്‍ചിരാത് തെളിഞ്ഞു നില്‍ക്കും. കാരണം ഇതിലെ എണ്ണ പെട്ടന്ന് തീര്‍ന്നു പോവില്ല.
അവിടെയാണ് ഈ മണ്‍പാത്ര നിര്‍മാണക്കാരന്റെ കരവിരുത്. ചിരാതിലേക്കുള്ള എണ്ണ തീരുന്നതിനുസരിച്ച് ഓട്ടോമാറ്റിക്കായി എണ്ണ ചിരാതിലെത്തും. ഛത്തീസ്ഖണ്ഡിലെ ബസ്താര്‍ ജില്ലയിലെ അശോക് ചന്ദ്രധാരി എന്ന മണ്‍പാത്ര നിര്‍മാണക്കാരനാണ് ഇത് നിര്‍മ്മിച്ചത്.
ദീപാവലി സീസണില്‍ ഈ ചിരാതിന്റെ വീഡിയോ വൈറലായതിനു പിന്നാലെ നിരവധി ഓര്‍ഡറുകളാണ് ഇദ്ദേഹത്തിനു വരുന്നത്. യൂട്യൂബ് വീഡിയോ കണ്ടാണ് ഇദ്ദേഹം ഇത്തരം ചിരാതുകള്‍ നിര്‍മിക്കാന്‍ തുടങ്ങിയത്.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlight: Chhattisgarh Potter Makes ‘Magic Lamps’ That Burn For 24 Hours, Flooded With Diwali Orders