24 മണിക്കൂറും കത്തിനില്‍ക്കും മണ്‍ചിരാത്; ഈ മണ്‍കലക്കാരന്റെ വിളക്കിനായി ക്യൂ
ഡൂള്‍ന്യൂസ് ഡെസ്‌ക്
Friday, 6th November 2020, 5:20 pm
ഛത്തീസ്ഖണ്ഡിലെ ഒരു മണ്‍പാത്ര നിര്‍മാണക്കാരന്‍ ഉണ്ടാക്കുന്ന മണ്‍ചിരാതുകളാണ് ഇപ്പോള്‍ സോഷ്യല്‍ മീഡിയയില്‍ തരംഗമാവുന്നത്. മറ്റ് മണ്‍ചിരാതുകളെ പോലെ ഈ വിളക്ക് പെട്ടന്നൊന്നും അണയില്ല. 24 മണിക്കൂറു മുതല്‍ 40 മണിക്കൂര്‍ വരെ ഈ മണ്‍ചിരാത് തെളിഞ്ഞു നില്‍ക്കും. കാരണം ഇതിലെ എണ്ണ പെട്ടന്ന് തീര്‍ന്നു പോവില്ല.
അവിടെയാണ് ഈ മണ്‍പാത്ര നിര്‍മാണക്കാരന്റെ കരവിരുത്. ചിരാതിലേക്കുള്ള എണ്ണ തീരുന്നതിനുസരിച്ച് ഓട്ടോമാറ്റിക്കായി എണ്ണ ചിരാതിലെത്തും. ഛത്തീസ്ഖണ്ഡിലെ ബസ്താര്‍ ജില്ലയിലെ അശോക് ചന്ദ്രധാരി എന്ന മണ്‍പാത്ര നിര്‍മാണക്കാരനാണ് ഇത് നിര്‍മ്മിച്ചത്.
