തിരുവനന്തപുരം: ദേശീയ പൗരത്വ പട്ടികയില്‍ പിണറായി സര്‍ക്കാറിന്റേത് ഇരട്ടത്താപ്പ് നയമെന്ന് പ്രതിപക്ഷ നേതാവ് രമേശ് ചെന്നിത്തല.
പരസ്യമായി എന്‍.പി.ആര്‍ നടപ്പാക്കില്ലെന്ന് പ്രഖ്യാപിച്ച ശേഷം രഹസ്യമായി പദ്ധതി നടപ്പാക്കാനുള്ള നീക്കമാണ് സര്‍ക്കാര്‍ നടത്തുന്നതെന്നും ചെന്നിത്തല കുറ്റപ്പെടുത്തി.
നിയമസഭയില്‍ അടക്കം നല്‍കിയ ഉറപ്പുകള്‍ കാറ്റില്‍ പറത്തി, മലയാളികളെ പിന്നില്‍നിന്ന് കുത്തുകയാണ് പിണറായി വിജയന്‍ ചെയ്യുന്നതെന്ന് ചെന്നിത്തല പറഞ്ഞു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
” ദേശീയ പൗരത്വരജിസ്റ്ററുമായി ബന്ധപ്പെട്ട പ്രവര്‍ത്തനങ്ങളെല്ലാം നിര്‍ത്തിവയ്ക്കണമെന്ന് മുഖ്യമന്ത്രി പിണറായി വിജയന്‍ ആവര്‍ത്തിക്കുന്നതിനിടെയാണ് സെന്‍സസ് നടപടികളുമായി സംസ്ഥാന സെന്‍സസ് ഡയറക്ടറേറ്റ് മുന്നോട്ട് പോകുന്നത്. ഇപ്പോള്‍ നടത്തുന്ന സെന്‍സസ്, ബി.ജെ.പിയുടെ അജണ്ടയ്ക്ക് കീഴടങ്ങുകയാണെന്നും നിര്‍ത്തിവയ്ക്കണം എന്നും പ്രതിപക്ഷം ചൂണ്ടിക്കാണിച്ചപ്പോഴാണ് സര്‍ക്കാര്‍ ആദ്യം പിന്നോക്കം പോയത്.” , ഫേസ്ബുക്ക് കുറിപ്പില്‍ അദ്ദേഹം പറഞ്ഞു.
