സമനിലയിലേക്കുള്ള മലയാളി താരത്തിന്റെ ഗോള്‍ഡന്‍ ടച്ച്; അവസാന 10 മിനിട്ടില്‍ ഗോള്‍കീപ്പറില്ലാതെ ചെന്നൈ; ബെംഗളൂരുവിനെതിരെ ചെറുത്തുനില്‍പ്പ്
സ്പോര്‍ട്സ് ഡെസ്‌ക്
Friday, 14th October 2022, 11:03 pm
ഇന്ത്യന്‍ സൂപ്പര്‍ ലീഗില്‍ വെള്ളിയാഴ്ച നടന്ന ചെന്നൈ- ബെംഗളൂരു മത്സരം സമനിലയില്‍ അവസാനിക്കുമ്പോള്‍ ഒരു മലയാളി ടച്ച് മത്സരം ബാക്കിവെക്കുന്നുണ്ട്. ഇരുടീമുകളും ഓരോ ഗോള്‍ വീതം നേടിയ മത്സരത്തില്‍ സമനില ഗോള്‍ നേടിയത് മലയാളി താരമായ പ്രശാന്ത് ആയിരുന്നു.
മത്സരം ആരംഭിച്ച് നാലാം മിനിട്ടില്‍ റോയ് കൃഷ്ണയുടെ ബെംഗളൂരു മുന്നിലെത്തുകയായിരുന്നു. തുടര്‍ന്ന്
ചെന്നൈ അക്രമം അഴിച്ചുവിട്ടെങ്കിലും ബെംഗളൂരുവിന്റെ ഗോള്‍ കീപ്പര്‍ ഗുര്‍പ്രീതിന്റെ മിന്നും പ്രകടനം അവര്‍ക്ക് ഭീഷണിയായി.
പിന്നീട് ആദ്യ പകുതിയിലെ അധിക സമയത്തില്‍ മലയാളി താരം പ്രശാന്ത് ചെന്നൈക്കായി സമനില ഗോള്‍ നേടുകയായിരുന്നു. രണ്ടാം പകുതിയില്‍ ഇരു ടീമുകള്‍ക്കും നിരവധി അവസരങ്ങള്‍ ലഭിച്ചെങ്കിലും ഒന്നും ഗോളായില്ല.
