കളം നിറഞ്ഞ് ജഡേജ; രാജകീയം ചെന്നൈ
സ്പോര്‍ട്സ് ഡെസ്‌ക്
Monday, 19th April 2021, 11:16 pm
മുംബൈ: രാജസ്ഥാന് റോയല്‍സിനെതിരായ മത്സരത്തില്‍ ചെന്നൈയ്ക്ക് 45 റണ്‍സ് ജയം. ചെന്നൈ ഉയര്‍ത്തിയ 189 റണ്‍സ് വിജയലക്ഷ്യത്തിലേക്ക് ബാറ്റേന്തിയ രാജസ്ഥാന് 143 റണ്‍സെടുക്കാനെ കഴിഞ്ഞുള്ളൂ.
രാജസ്ഥാന് മുന്‍നിരയില്‍ 49 റണ്‍സെടുത്ത ബട്‌ലറിനൊഴികെ ആര്‍ക്കും തിളങ്ങാനായില്ല. വാലറ്റത്ത് രാഹുല്‍ തെവാട്ടിയയും (20) ജയദേവ് ഉനദ്കട്ടും (24) കൂറ്റനടികള്‍ക്ക് ശ്രമിച്ചെങ്കിലും ഫലമുണ്ടായില്ല.
ചെന്നൈയ്ക്കായി മൊയിന്‍ അലി മൂന്ന് വിക്കറ്റെടുത്തു. നാല് ക്യാച്ചുകളും രണ്ട് വിക്കറ്റുകളുമായി ജഡേജയും കളം നിറഞ്ഞു.
ടോസ് നഷ്ടപ്പെട്ട് ആദ്യം ബാറ്റ് ചെയ്ത ചെന്നൈ ഒമ്പത് വിക്കറ്റ് നഷ്ടത്തിലാണ് 188 റണ്‍സെടുത്തത്. മികച്ച കൂട്ടുകെട്ടുകളൊന്നും പടുത്തുയര്‍ത്താനായില്ലെങ്കിലും ഭേദപ്പെട്ട സ്‌കോര്‍ സ്വന്തമാക്കാന്‍ ചെന്നൈക്ക് സാധിച്ചു.
