സൂപ്പര്‍കോച്ചിനെ ക്ലബ്ബിലെത്തിക്കാനൊരുങ്ങി ചെല്‍സി; എണ്ണപ്പെട്ട് ഗ്രഹാം പോട്ടറുടെ നാളുകള്‍
സ്പോര്‍ട്സ് ഡെസ്‌ക്
Friday, 3rd March 2023, 5:15 pm
സ്പാനിഷ് ദേശീയ ടീമിന്റെ പരിശീലകന്‍ ലൂയിസ് എന്റിക്വിനെ ക്ലബ്ബിലെത്തിക്കാനൊരുങ്ങി ചെല്‍സി. ഗ്രഹാം പോട്ടറെ പുറത്താക്കി എന്റിക്വിനെ നിയമിക്കാന്‍ ചെല്‍സി പദ്ധതിയിടുന്നതായി വാര്‍ത്താ മാധ്യമമായ എ.എസ് ആണ് റിപ്പോര്‍ട്ട് ചെയ്തത്.
റിപ്പോര്‍ട്ടുകള്‍ പ്രകാരം മൂന്ന് വര്‍ഷത്തെ കരാറില്‍ 12 മില്യണ്‍ യൂറോക്കാണ് എന്റിക്വിനെ ചെല്‍സി ക്ലബ്ബിലെത്തിക്കുന്നത്.
ചെല്‍സി മാത്രമല്ല മുന്‍ ബാഴ്‌സലോണ താരത്തെ നോട്ടമിട്ടിരിക്കുന്നതെന്നും അത്‌ലെറ്റികോ മാഡ്രിഡും എന്റിക്വിനെ സൈന്‍ ചെയ്യിക്കാന്‍ രംഗത്തുണ്ടെന്നും റിപ്പോര്‍ട്ടുണ്ട്.
ഡീഗോ സിമിയോണി സ്ഥാനമൊഴിഞ്ഞാല്‍ അത്‌ലെറ്റികോ മാഡ്രിഡ് അദ്ദേഹത്തെ പരിഗണിക്കുന്നുണ്ടെന്ന റിപ്പോര്‍ട്ടാണ് പുറത്തുവരുന്നത്.
