ഇളയദളപതി വിജയ്‌യുടെ പുതിയ ചിത്രം തലൈവയുടെ ആദ്യ ദൃശ്യങ്ങള്‍ പുറത്തിറങ്ങി. എ.എല്‍ വിജയ് ആണ് തലൈവയുടെ സംവിധായകന്‍. ചിത്രത്തിന്റെ നിര്‍മാതാക്കളാണ് ചിത്രത്തിന്റെ പ്രമോഷനായി പ്രത്യേക വീഡിയോ തയ്യാറാക്കിയിരിക്കുന്നത്.[]
ചന്ദ്ര പ്രകാശാണ് ചിത്രം നിര്‍മിക്കുന്നത്. അമലാ പോളാണ് ചിത്രത്തില്‍ വിജയ്‌യുടെ നായികയാകുന്നത്. സത്യരാജും ചിത്രത്തില്‍ പ്രധാന വേഷത്തിലെത്തുന്നുണ്ട്.
വിജയ് ആരാധകര്‍ക്കുള്ള സമ്മാനമെന്നാണ് പ്രത്യേക ട്രെയിലറിനെ കുറിച്ച് അണിയറ പ്രവര്‍ത്തകര്‍ പറയുന്നത്.
50 സെക്കന്റ് നീണ്ട് നില്‍ക്കുന്ന ട്രെയ്‌ലറില്‍ വിജയ് മാത്രമാണ് നിറഞ്ഞ് നില്‍ക്കുന്നത്. കടലിന് അഭിമുഖമായി നില്‍ക്കുന്ന നായകാനാണ് ട്രെയ്‌ലറില്‍ ഉടനീളം കാണാനാവുക.