'മാമണവാട്ടി ഇങ്ങോട്ട് നോക്ക് പിച്ചി പൂത്തത്'; ശ്രീനാഥ് ഭാസിയുടെ ശബ്ദത്തില്‍ ചട്ടമ്പിയുടെ പ്രോമോ ഗാനം
എന്റര്‍ടെയിന്‍മെന്റ് ഡെസ്‌ക്
Monday, 18th July 2022, 6:02 pm
ശ്രീനാഥ് ഭാസി നായകനാകുന്ന പുതിയ ചിത്രം ‘ചട്ടമ്പി’യുടെ പ്രോമോ സോങ് റിലീസ് ചെയ്തു.
മ്യുസിക്ക് 247 എന്ന യൂട്യുബ് ചാനലിലൂടെയാണ് ഗാനം റിലീസ് ചെയ്തിരിക്കുന്നത്.
‘ഇങ്ങാട്ട് നോക്ക് പിച്ചി പൂത്തത്’ എന്ന ഗാനം പാടിയിരിക്കുന്നതും ശ്രീനാഥ് ഭാസി തന്നയാണ്. ഭീഷ്മപര്‍വ്വത്തിലെ പറുദീസാ ഗാനത്തിന് ശേഷം ഭാസി പാടുന്ന ഗാനമാണിത്. കൃപേഷ് എഴുതിയ വരികള്‍ക്ക് സംഗീത സംവിധാനം നിര്‍വഹിച്ചിരിക്കുന്നത് ശേഖര്‍ മേനോനാണ്.
ഓണപാട്ടായിട്ടാണ് ഗാനം ചിട്ടപെടുത്തിയിരിക്കുന്നത്. 1990കളിലെ ഇടുക്കിയുടെ പശ്ചാത്തലത്തില്‍ ഒരു നാടന്‍ ചട്ടമ്പിയുടെ കഥയാണ് ചിത്രം പറയുന്നത്. ചിത്രം അടുത്ത മാസം തിയേറ്ററില്‍ റിലീസ് ചെയ്യും.
