ചതുരത്തിന്റെ ഒ.ടി.ടി റിലീസ് പ്രഖ്യാപിച്ചു, ട്രെയ്‌ലര്‍ പുറത്ത്
എന്റര്‍ടെയിന്‍മെന്റ് ഡെസ്‌ക്
Thursday, 2nd March 2023, 7:42 pm
സ്വാസിക കേന്ദ്ര കഥാപാത്രമായി എത്തിയ ചതുരത്തിന്റെ ഒ.ടി.ടി റിലീസ് പ്രഖ്യാപിച്ചു. ചിത്രത്തിന്റെ ഒ.ടി.ടി അവകാശങ്ങള്‍ സ്വന്തമാക്കിയിരിക്കുന്നത് സൈന പ്ലേയാണ്. മാര്‍ച്ച് ഒമ്പത് മുതല്‍ ഒ.ടി.ടി സ്ട്രീമിങ് ആരംഭിക്കും.
സിദ്ധാര്‍ത്ഥ് ഭരതനാണ് ചിത്രം സംവിധാനം ചെയ്തത്. ചതുരത്തിന്റെ ഒ.ടി.ടി റിലീസിനായി ഏറെ നാളായി പ്രേക്ഷകര്‍ കാത്തിരിക്കുകയാണ്. ചിത്രത്തില്‍ സ്വാസികയുടെ പെര്‍ഫോമന്‍സിന് മികച്ച പ്രതികരണമാണ് ലഭിച്ചത്.
ചിത്രം നവംബര്‍ നാലിനാണ് തീയേറ്ററുകളില്‍ റിലീസ് ചെയ്തത്. മികച്ച പ്രതികരണമാണ് ചിത്രത്തിന് തിയേറ്ററുകളില്‍ നിന്നും ലഭിച്ചത്. റോഷന്‍ മാത്യു, അലന്‍സിയര്‍ എന്നിവരായിരുന്നു ചതുരത്തില്‍ മറ്റ് കേന്ദ്ര കഥാപാത്രങ്ങളായി എത്തിയത്.
