ബെംഗളൂരു: ചന്ദ്രയാന്‍ രണ്ട് ദൗത്യത്തിന് പിന്നാലെ പേടകത്തിലെ ക്യാമറ പകര്‍ത്തിയതെന്ന രീതിയില്‍ നിരവധി ചിത്രങ്ങള്‍ വാട്‌സ് ആപ്പ് ഫോര്‍വേഡുകളായി എത്തിയിരുന്നു. എന്നാല്‍ ചന്ദ്രയാന്‍ രണ്ടിലെ ക്യാമറ പകര്‍ത്തിയ യഥാര്‍ത്ഥ ചിത്രങ്ങള്‍ പുറത്തുവിട്ടിരിക്കുകയാണ് ഐ.എസ്.ആര്‍.ഒ. പേടകത്തിലെ ക്യാമറ പകര്‍ത്തിയ ഭൂമിയുടെ ആദ്യചിത്രങ്ങളാണിവ.
#ISRO
Earth as viewed by #Chandrayaan2 LI4 Camera on August 3, 2019 17:32 UT pic.twitter.com/KyqdCh5UHa— ISRO (@isro) August 4, 2019
പേടകത്തിലെ വിക്രം എന്ന ലാന്‍ഡറിലുള്ള എല്‍ 14 ക്യാമറയാണ് ചിത്രങ്ങള്‍ പകര്‍ത്തിയത്. ശനിയാഴ്ച വൈകിട്ട് അഞ്ചരയോടെയുള്ളതാണ് ചിത്രങ്ങള്‍. നീലനിറത്തിലുള്ള ഭൂമിയുടെ ചിത്രങ്ങള്‍ ഐ.എസ്.ആര്‍.ഒ ട്വീറ്റിലൂടെയാണ് പങ്കുവച്ചത്.
#ISRO
First set of beautiful images of the Earth captured by #Chandrayaan2 #VikramLander
Earth as viewed by #Chandrayaan2 LI4 Camera on August 3, 2019 17:28 UT pic.twitter.com/pLIgHHfg8I— ISRO (@isro) August 4, 2019
ആദ്യശ്രമത്തില്‍ നേരിട്ട സാങ്കേതികപ്പിഴവുകള്‍ തിരുത്തി ചരിത്രദൗത്യവുമായി ജൂലൈ 22ന് ഉച്ചയ്ക്ക് 2.43ഓടെയാണ് ചന്ദ്രയാന്‍ രണ്ട് ആന്ധ്രാപ്രദേശിലെ ശ്രീഹരിക്കോട്ടയില്‍ നിന്നു കുതിച്ചുയര്‍ന്നത്. സതീഷ് ധവാന്‍ സ്പേസ് സെന്ററില്‍ എത്തിയ ഏഴായിരത്തി അഞ്ഞൂറോളം പേരെ സാക്ഷിനിര്‍ത്തിയായിരുന്നു ചന്ദ്രയാന്റെ കുതിപ്പ്.
#ISRO
Earth as viewed by #Chandrayaan2 LI4 Camera on August 3, 2019 17:29 UT pic.twitter.com/IsdzQtfMRv— ISRO (@isro) August 4, 2019
ചന്ദ്രന്റെ ദക്ഷിണധ്രുവത്തിലിറങ്ങി പര്യവേക്ഷണം നടത്തുക എന്നതാണ് ചന്ദ്രയാന്‍ രണ്ടിന്റെ ലക്ഷ്യം. ചൊവ്വാഴ്ചയാണ് ഭൂമിയെ പ്രദക്ഷിണം ചെയ്യുന്ന ചന്ദ്രയാന്‍ പേടകത്തിന്റെ അവസാന ഭ്രമണപഥം ഉയര്‍ത്തല്‍. ഈ മാസം 14 ന് പേടകം ചന്ദ്രന്റെ ഭ്രമണപഥത്തിലേക്ക് കുതിക്കും. സെപ്റ്റംബര്‍ ആറിന്് അര്‍ധരാത്രിയിലോ ഏഴിന് പുലര്‍ച്ചെയോ പേടകം ചന്ദ്രനില്‍ ഇറങ്ങുമെന്നാണ് ശാസ്ത്രജ്ഞര്‍ കണക്കുകൂട്ടുന്നത്.