എപ്പോള്‍ ഇടിപൊട്ടും എന്ന് കാത്തിരുന്ന നെരിപ്പ് സീന്‍; തല്ലുമാലയിലെ ചക്കരച്ചുണ്ടില്‍ വീഡിയോ സോങ്
എന്റര്‍ടെയിന്‍മെന്റ് ഡെസ്‌ക്
Monday, 22nd August 2022, 7:45 pm
ഖാലിദ് റഹ്മാന്റെ സംവിധാനത്തില്‍ ടൊവിനോ തോമസ് നായകനായ തല്ലുമാലയിലെ ഏറ്റവും പുതിയ ഗാനം പുറത്ത്. ചക്കരച്ചുണ്ടില്‍ എന്ന ഗാനത്തിന്റെ വീഡിയോയാണ് മ്യൂസിക് 247 എന്ന യൂട്യൂബ് ചാനലിലൂടെ അണിയറ പ്രവര്‍ത്തകര്‍ പുറത്തുവിട്ടിരിക്കുന്നത്.
ചിത്രത്തില്‍ മണവാളന്‍ വസീം ആയി എത്തിയ ടൊവിനോയുടെ അളിയന്‍ കഥാപാത്രത്തെ അവതരിപ്പിച്ച കൊല്ലം ഷാഫി വര്‍ഷങ്ങള്‍ക്ക് മുമ്പ് ആലപിച്ച മാപ്പിള ഗാനമാണ് ചക്കര ചുണ്ടില്‍. ഈ ഗാനത്തില്‍ തല്ലുമാലയിലെ ‘ഇജ്ജ് ഇണ്ടാക്ക്’ എന്ന ഗാനവും കൂടി റീമിക്സ് ചെയ്താണ് തല്ലുമാലയിലെ റിമിക്സ് വേര്‍ഷന്‍ പുറത്തിറക്കിയിരിക്കുന്നത്.
മുമ്പ് റിലീസായ പാട്ടുകളെ പോലെ തന്നെ പുതിയ ഗാനവും സോഷ്യല്‍ മീഡിയയില്‍ വൈറലായി കഴിഞ്ഞു. ചിത്രത്തിലെ നിര്‍ണായകമായ സീനില്‍ ഒരു അടി പ്രേക്ഷകര്‍ പ്രതീക്ഷിച്ചിരുന്ന രംഗത്തിലാണ് ഈ ഗാനം അണിയറ പ്രവര്‍ത്തകര്‍ ഉള്‍പ്പെടുത്തിയിരിക്കുന്നത്.
