കൊച്ചി: കുഞ്ചാക്കോ ബോബനെ നായകനാക്കി ലാല്‍ ജോസ് സംവിധാനം ചെയ്യുന്ന ചിത്രം തട്ടുംപുറത്ത് അച്യുതനിലെ രണ്ടാമത്തെ വീഡിയോ ഗാനം പുറത്തുവിട്ടു. അനില്‍ പനച്ചൂരാന്റെ വരികള്‍ക്ക് ഈണം നല്‍കിയിരിക്കുന്നത് ദീപാങ്കുരനാണ്.
അനില്‍ തന്നെയാണ് ഗാനം ആലപിച്ചിരിക്കുന്നത്. ചിത്രത്തിലെ ആദ്യഗാനം ഏറെ ശ്രദ്ധ നേടിയിരുന്നു. പുതുമുഖം ശ്രവണയാണ് ചിത്രത്തില്‍ നായികയായെത്തുന്നത്.
Also Read “അതെ, അവര്‍ പ്രണയത്തിലാണ്”; രണ്‍ബീര്‍-ആലിയ പ്രണയം സ്ഥിരീകരിച്ച് മഹേഷ് ഭട്ട്
കവലയിലെ കടയില്‍ ജോലി ചെയ്യുകയും ക്ഷേത്ര കാര്യങ്ങളിലും സാമൂഹ്യ പ്രവര്‍ത്തനങ്ങളിലും സജീവമായി നില്‍ക്കുകയും ചെയ്യുന്ന അച്യുതന്‍ എന്ന യുവാവിന്റെ കഥ പറയുന്ന തട്ടിന്‍പുറത്ത് അച്യുതനില്‍ നെടുമുടി വേണു, വിജയരാഘവന്‍, കലാഭവന്‍ ഷാജോണ്‍, കൊച്ചുപ്രേമന്‍, സുബീഷ്, സീമാ ജി. നായര്‍, താരാകല്യാണ്‍ തുടങ്ങിയവരും പ്രധാന താരങ്ങളാണ്.
സംവിധായകന്‍ ബാബു നാരായണന്റെ മകളാണ് ശ്രവണ. ചിത്രത്തിന് എം സിന്ധുരാജാണ് രചന നിര്‍വഹിക്കുന്നത്. ഷെബിന്‍ ബക്കര്‍ പ്രൊഡക്ഷന്‍സ് നിര്‍മിക്കുന്ന ചിത്രം എല്‍ ജെ ഫിലിംസ് പ്രദര്‍ശനത്തിനെത്തിക്കും.