ചാവേറിന്റെ ഒഫിഷ്യൽ സെക്കൻഡ് ലുക്ക് മോഷൻ പോസ്റ്റർ പുറത്തിറങ്ങി. തികച്ചും വ്യത്യസ്തമായ പോസ്റ്റർ നിമിഷ നേരംകൊണ്ടാണ് പ്രേക്ഷകർ ഏറ്റെടുത്തിരിക്കുന്നത്.
ടിനു പാപ്പച്ചന്‍ ഒരുക്കുന്ന ചിത്രത്തിലെ പ്രധാന കഥാപാത്രങ്ങളായ കുഞ്ചാക്കോ ബോബൻ, അർജുൻ അശോകൻ, സജിൻ ഗോപു എന്നിവരുടെ മുഖങ്ങളാണ് കാണാൻ സാധിക്കുന്നത്.
കാർമേഘങ്ങൾ മൂടിയ ആകാശത്തിന്റെ പശ്ചാത്തലത്തിൽ നിൽക്കുന്ന പടുകൂറ്റൻ മരത്തിൽ നിന്നും നീളുന്ന വേരുകളും പോസ്റ്ററിൽ ഉണ്ട്. മരത്തിൽ നിന്നും താഴേക്ക് നീളുന്ന വേരുകൾക്ക് ചുറ്റും വട്ടമിട്ട് പറക്കുന്ന കാക്കകളുമാണ് മോഷൻ പോസ്റ്ററിനെ കൂടുതൽ വിചിത്രമാക്കുന്നത്. മൊത്തത്തിൽ ഇരുണ്ട പശ്ചാത്തലത്തിലുള്ള പോസ്റ്ററിൽ മരത്തിന്റെ ഏറ്റവും മുകളിലായി കാണുന്ന പൊത്തിൽ ചുവന്ന മുഖത്തോട് കൂടിയ ഒരു വ്യക്തിയെയും വെളുത്ത നായയെയും കാണാം.
കല്ലിൽ കൊത്തിയ കഥാപാത്രങ്ങളുടെ മുഖമുള്ള ഫസ്റ്റ് ലുക്ക് പോസ്റ്റർ ഏറെ ശ്രദ്ധ നേടിയിരുന്നു.
ചാവേറി’ലെ കുഞ്ചാക്കോ ബോബന്റെ മാസ് ലുക്ക് പുറത്തുവന്നിരുന്നത് വലിയ ശ്രദ്ധ നേടിയിരുന്നു. അശോകന്‍ എന്ന കഥാപാത്രമായാണ് ചിത്രത്തില്‍ ചാക്കോച്ചനെത്തുന്നത്. പറ്റെ വെട്ടിയ മുടിയും കട്ടത്താടിയും കലിപ്പ് നോട്ടവുമായിട്ടായിരുന്നു അശോകനായി ചാക്കോച്ചന്റെ വേഷപ്പകര്‍ച്ച.
നടനും സംവിധായകനുമായ ജോയ് മാത്യു ‘അങ്കിളി’ന് ശേഷം തിരക്കഥയൊരുക്കുന്ന ചിത്രം അരുണ്‍ നാരായണ്‍, വേണു കുന്നപ്പിള്ളി എന്നിവര്‍ ചേര്‍ന്നാണ് നിര്‍മിക്കുന്നത്. ഛായാഗ്രഹണം: ജിന്റോ ജോര്‍ജ്ജ്, എഡിറ്റര്‍: നിഷാദ് യൂസഫ്, സംഗീതം: ജസ്റ്റിന്‍ വര്‍ഗീസ്, പ്രൊഡക്ഷന്‍ ഡിസൈന്‍: ഗോകുല്‍ ദാസ്, സൗണ്ട് ഡിസൈന്‍: രംഗനാഥ് രവി, മേക്കപ്പ്: റോണക്‌സ് സേവ്യര്‍, കോസ്റ്റ്യൂം: മെല്‍വി ജെ, സംഘട്ടനം: സുപ്രീം സുന്ദര്‍, ലൈന്‍ പ്രൊഡ്യൂസര്‍: സുനില്‍ സിങ്, ചീഫ് അസോ. ഡയറക്ടര്‍: രതീഷ് മൈക്കിള്‍, പ്രൊഡക്ഷന്‍ എക്‌സിക്യുട്ടീവ്: ബ്രിജീഷ് ശിവരാമന്‍, സ്റ്റില്‍സ്: അര്‍ജുന്‍ കല്ലിങ്കല്‍, വി.എഫ്.എക്‌സ്: ആക്‌സല്‍ മീഡിയ, ഡിസൈന്‍സ്: മക്ഗുഫിന്‍, പി.ആര്‍.ഒ: ഹെയിന്‍സ്, ആതിര ദില്‍ജിത്ത്, മാര്‍ക്കറ്റിങ്: സ്‌നേക്ക്പ്ലാന്റ്.
Content Highlights: Chaaver second look motion poster release