ഇന്നും ഇന്നലേയും നാളേയും കേരള കോണ്‍ഗ്രസ് എമ്മിനോടൊപ്പം; ഒത്തുതീര്‍പ്പ് ശ്രമം തുടരുമെന്നും സി.എഫ് തോമസ്
ഡൂള്‍ന്യൂസ് ഡെസ്‌ക്
Sunday, 16th June 2019, 5:21 pm
കോട്ടയം: കേരള കോണ്‍ഗ്രസിലെ പ്രശ്‌നങ്ങള്‍ ഒത്തുതീര്‍പ്പിലൂടെ പരിഹരിക്കുമെന്ന് മുതിര്‍ന്ന നേതാവ് സി.എഫ് തോമസ് എം.എല്‍.എ. കേരള കോണ്‍ഗ്രസ് എം മുന്നോട്ടുതന്നെ പോകുമെന്നും സി.എഫ് തോമസ് പറഞ്ഞു.
‘പി.ജെ. ജോസഫുമായും ജോസ് കെ. മാണിയുമായും സംസാരിച്ച് ഒത്തുതീര്‍പ്പിലേക്ക് കൊണ്ടുവരാന്‍ ശ്രമിച്ചിരുന്നു. ഇപ്പോള്‍ പാര്‍ട്ടി പിളര്‍ന്ന സാഹചര്യമുണ്ടായെങ്കിലും ഒത്തുതീര്‍പ്പിനുള്ള ശ്രമം ഇനിയും തുടരും’- സി.എഫ് തോമസ് പറഞ്ഞു.
‘മുതിര്‍ന്ന നേതാക്കള്‍ മുന്‍കരുതലെടുത്ത് നടത്തിയ ചര്‍ച്ചകള്‍ ഫലം കണ്ടിരുന്നു. എന്നാല്‍, അതിനിടെയാണ് പാര്‍ട്ടി പിളര്‍പ്പിലേക്ക് നീങ്ങിയിരിക്കുന്നത്. ഒത്തുതീര്‍പ്പിനുള്ള സാധ്യത മങ്ങിയിട്ടില്ല. എന്നാല്‍, കൂടുതല്‍ പ്രയാസകരമാണ്’- അദ്ദേഹം പറഞ്ഞു.
