'ആളുകള്‍ വിവാഹം കഴിക്കുന്നുണ്ട്, എയര്‍പോര്‍ട്ട് ഫുള്ളാണ്'; ഒരു സാമ്പത്തിക മാന്ദ്യവുമില്ലെന്ന് കേന്ദ്രമന്ത്രി സുരേഷ് അംഗാദി
ഡൂള്‍ന്യൂസ് ഡെസ്‌ക്
Friday, 15th November 2019, 5:11 pm
രാജ്യത്ത് സാമ്പത്തിക പ്രതിസന്ധിയുണ്ടെന്ന പ്രതിപക്ഷത്തിന്റെ ആരോപണത്തെ തള്ളി കേന്ദ്രമന്ത്രി സുരേഷ് അംഗാദി. എയര്‍പോര്‍ട്ടുകളും ട്രെയിനുകളും ഫുള്ളാണെന്നും ആളുകള്‍ വിവാഹം കഴിക്കുകയും ചെയ്യുന്നുണ്ട്, ഇത് ചൂണ്ടിക്കാണിക്കുന്നത് രാജ്യത്തെ സാമ്പത്തികാവസ്ഥക്ക് ഒരു കുഴപ്പവുമില്ലെന്നാണെന്ന് സുരേഷ് അംഗാദി പറഞ്ഞു.
ഓരോ മൂന്ന് വര്‍ഷം കൂടുമ്പോള്‍ സാമ്പത്തിക പ്രതിസന്ധി ഉണ്ടാവുകയും അതില്‍ നിന്ന് പെട്ടെന്ന് തന്നെ കരകയറാറും ഉണ്ട്. ഇപ്പോള്‍ പ്രധാനമന്ത്രി നരേന്ദ്രമോദിയുടെ പ്രതിശ്ചായ നശിപ്പിക്കുന്നതിന് വേണ്ടി ചിലര്‍ ശ്രമിക്കുന്നതാണെന്നും സുരേഷ് അംഗാദി പറഞ്ഞു.
