'പ്രണയം പശുവിനോട് മാത്രം'; പ്രണയദിനത്തില്‍ പശുവിനെ ആലിംഗനം ചെയ്ത് ആഘോഷിക്കൂ എന്ന് കേന്ദ്രം
ഡൂള്‍ന്യൂസ് ഡെസ്‌ക്
Wednesday, 8th February 2023, 3:59 pm
ന്യൂദല്‍ഹി: പ്രണയദിനം ‘പശു ആലിംഗന ദിന (Cow Hug Day)’മായി ആചരിക്കണമെന്ന് കേന്ദ്ര മൃഗ സംരക്ഷണ ബോര്‍ഡിന്റെ നിര്‍ദ്ദേശം. മൃഗങ്ങളോടുള്ള അനുകമ്പ വളര്‍ത്തുന്നതിന്റെ ഭാഗമായാണ് തീരുമാനമെന്നാണ് വിശദീകരണം. പശു ഇന്ത്യന്‍ സംസ്‌കാരത്തിന്റേയും സമ്പദ്‌വ്യവസ്ഥയുടേയും നട്ടെല്ലാണെന്നും ബോര്‍ഡ് അറിയിച്ചു.
‘ഇന്ത്യന്‍ സംസ്‌കാരത്തിന്റേയും സമ്പദ്‌വ്യവസ്ഥയുടേയും നട്ടെല്ലാണ് പശു. നമ്മുടെ ജീവന്‍ നിലനിര്‍ത്തുന്നതും, കന്നുകാലി സമ്പത്തിനെയും ജൈവവൈവിധ്യത്തേയും പ്രതിനിധീകരിക്കുന്നതും പശുവാണ്,’ ബോര്‍ഡ് പറയുന്നു.
