ന്യുദല്‍ഹി: വിരാട് കോഹ്‌ലിയുടെ ടീ ഷര്‍ട്ടണിഞ്ഞ അനുഷ്‌കയുടെ പുതിയ ചിത്രം സോഷ്യല്‍ മീഡിയയില്‍ വൈറലാകുന്നു. ചൊവ്വാഴ്ച്ച രാത്രി വിമാനത്താവളത്തില്‍ വെച്ചായിരുന്നു കോഹ്‌ലിയുടെ കറുത്ത നിറത്തിലുളള ടീ ഷര്‍ട്ട് ധരിച്ച് അനുഷ്‌ക എത്തിയത്. നേരത്തെ ജിമ്മില്‍ വര്‍ക്ക് ഔട്ട് ചെയ്യുന്നതിന്റെ ചിത്രം ഷെയര്‍ ചെയ്തപ്പോള്‍ അതില്‍ കോഹ്ലി ധരിച്ചിരുന്നതും ഇതേ ടീ ഷര്‍ട്ടായിരുന്നു. ഇതാണ് ഇപ്പോള്‍ ആരാധകര്‍ ആഘോഷിക്കുന്നത്.
അനുഷ്‌കയ്ക്ക് കോഹ്‌ലിയോടുള്ള സ്നേഹത്തെ വാഴ്ത്തിയാണ് ഈ ചിത്രം സോഷ്യല്‍ മീഡിയയില്‍ ആരാധകര്‍ പങ്കുവെയ്ക്കുന്നത്.
മുമ്പും കോഹ്‌ലിയുടെ ടീ ഷര്‍ട്ട് അണിഞ്ഞ് പൊതു ഇടത്ത് അനുഷ്‌ക എത്തിയിരുന്നു. വിരാട് കോഹ്ലി ധരിച്ച വെളള നിറത്തിലുളള ടീഷര്‍ട്ടാണ് ഇതിനു മുന്‍പ് അനുഷ്‌ക ധരിച്ചത്. “സ്റ്റേറ്റ് ഓഫ് മൈന്‍ഡ്” എന്ന വാചകം എഴുതിയ ടീഷര്‍ട്ട് ധരിച്ച ഇരുവരുടേയും സോഷ്യല്‍ ചിത്രം മീഡിയയില്‍ വൈറലായിരുന്നു..
ഇറ്റലിയില്‍ വെച്ച് കഴിഞ്ഞ ഡിസംബറിലാണ് വിരാട് കോഹ്‌ലിയും അനുഷ്‌ക ശര്‍മ്മയും വിവാഹിതരായത്.