മെഡിക്കല്‍ പ്രവേശനത്തിലെ മുന്നാക്ക സംവരണം; സര്‍ക്കാര്‍ തിരുത്തുന്നു
ഡൂള്‍ന്യൂസ് ഡെസ്‌ക്
Friday, 20th November 2020, 8:32 am
തിരുവനന്തപുരം: സര്‍ക്കാര്‍ മെഡിക്കല്‍ കോളേജുകളില്‍ എം.ബി.ബി.എസ് പ്രവേശനത്തിനുള്ള മുന്നാക്ക സംവരണത്തിന് അധിക സീറ്റ് നല്‍കിയ നടപടിയില്‍ നിന്ന് സര്‍ക്കാര്‍ പിന്‍മാറുന്നു.
ഇതര സംവരണ വിഭാഗങ്ങള്‍ക്ക് സീറ്റ് നിശ്ചയിച്ച രീതിയില്‍ തന്നെ മുന്നാക്ക സംവരണ സീറ്റും നിശ്ചയിക്കാന്‍ തീരുമാനമായതായി മാധ്യമം റിപ്പോര്‍ട്ട് ചെയ്യുന്നു.
ജനറല്‍ കാറ്റഗറിയില്‍ നിന്ന് 10 ശതമാനം വരെ സീറ്റ് മുന്നാക്ക സംവരണത്തിന് നീക്കിവെക്കാമെന്ന ഉത്തരവ് അവഗണിച്ച് കൂടുതല്‍ സീറ്റുകള്‍ അനുവദിച്ച നടപടിയാണ് സര്‍ക്കാര്‍ തിരുത്തുന്നത്.
