സി.ബി.ഐ അഞ്ചിന്റെ പുതിയ മോഷന്‍ പോസ്റ്റര്‍ പുറത്ത്; അയ്യര്‍ക്ക് പവര്‍ നല്‍കി ജേക്‌സ് ബിജോയിയുടെ മ്യൂസികും
എന്റര്‍ടെയിന്‍മെന്റ് ഡെസ്‌ക്
Friday, 25th March 2022, 4:51 pm
മലയാള സിനിമാ ആരാധകര്‍ ഒന്നടങ്കം പ്രതീക്ഷയോടെ കാത്തിരിക്കുന്ന സി.ബി.ഐ സീരീസിലെ അഞ്ചാമത്തെ ചിത്രം സി.ബി.ഐ5 ദി ബ്രെയിനിന്റെ പുതിയ മോഷന്‍ പോസ്റ്റര്‍ പുറത്തുവിട്ടു.
ആദ്യ നാല് സി.ബി.ഐ ചിത്രങ്ങള്‍ക്കും ഈണമൊരുക്കിയ ശ്യാമിന് പകരം ജേക്‌സ് ബിജോയ് ആണ് അഞ്ചാം ഭാഗത്തിനായി സംഗീതസംവിധാനം നിര്‍വഹിക്കുന്നത്.
കൈ പിറകില്‍ കെട്ടി നില്‍ക്കുന്ന മമ്മൂട്ടിയുടെ സേതുരാമയ്യര്‍ക്കൊപ്പം ബാക്ക്ഗ്രൗണ്ട് മ്യൂസികും പോസ്റ്ററിന്റെ ഹൈലൈറ്റാണ്.
സി.ബി.ഐ സീരീസിലെ എല്ലാ സിനിമകളിലുമുള്ള ശ്യാമിന്റെ ബേസിക് ബാക്ക്ഗ്രൗണ്ട് മ്യൂസിക്കിന് മാറ്റം വരുത്തിയ ജേക്‌സ് ബിജോയ് ടച്ച് തന്നെയാണ് പുതിയ മോഷന്‍ പോസ്റ്ററിന്റെ ഹൈലൈറ്റ്.
