സ്പോര്‍ട്സ് ഡെസ്‌ക്6 min
സ്പാനിഷ് സൂപ്പര്‍ കപ്പ് കിരീടം സ്വന്തമാക്കി ബാഴ്സലോണ. കിങ് അബ്ദുള്ള സ്പോര്‍ട്സ് സിറ്റിയില്‍ നടന്ന മത്സരത്തില്‍ റയല്‍ മാഡ്രിഡിനെ രണ്ടിനെതിരെ അഞ്ച് ഗോളുകള്‍ക്കാണ് ബാഴ്സ പരാജയപ്പെടുത്തിയത്. ഇത് 15ാം തവണയാണ് ബാഴ്സ സൂപ്പര്‍കപ്പ് കിരീടം സ്വന്തമാക്കുന്നത്. ചരിത്രത്തില്‍ ആദ്യമായാണ് ഒരു ടീം 15 തവണ സൂപ്പര്‍കപ്പ് ജേതാക്കളാകുന്നത്.
🏆 𝐒𝐔𝐏𝐄𝐑𝐂𝐇𝐀𝐌𝐏𝐈𝐎𝐍𝐒! 🏆 pic.twitter.com/oNI37RtVUZ
— FC Barcelona (@FCBarcelona) January 12, 2025
മത്സര ശേഷം നിരാശനായ റയല്‍ മാഡ്രിഡ് പരിശീലകന്‍ കാര്‍ലോ ആന്‍സലോട്ടി തങ്ങള്‍ പരാജയപ്പെട്ടതിന്റെ പ്രധാന കാരണം എന്താണെന്ന് പറയുകയാണ് ഇപ്പോള്‍. മത്സരത്തില്‍ കിലിയന്‍ എംബാപ്പെ ഒഴികെ മറ്റാരും നന്നായി കളിച്ചില്ലെന്നും ഡിഫന്‍സ് പരാജയപ്പെട്ടതാണ് തോല്‍വിയുടെ പ്രധാന കാരണമെന്നും ആന്‍സലോട്ടി പറഞ്ഞു.
‘ഇന്ന് നന്നായി കളിച്ചത് കിലിയന്‍ എംബപ്പെ മാത്രമാണ്. ബാക്കി ഉള്ളവരുടെ കാര്യം ഞാന്‍ പറയുന്നില്ല. നമുക്ക് അത് മറക്കാം. തോല്‍ക്കാനുള്ള പ്രധാന കാരണം ഡിഫന്‍സ് മോശമായിരുന്നു. അവര്‍ വളരെ എളുപ്പമായിട്ടാണ് ഗോളുകള്‍ അടിച്ചത്. ഞങ്ങളെ ഇത് തീര്‍ത്തും നിരാശരാക്കി. പക്ഷെ ഇത് ഫുട്ബോള് ആണ്. അത് കൊണ്ട് തന്നെ അടുത്ത മത്സരത്തില്‍ ഞങ്ങള്‍ ശക്തമായി തിരിച്ച് വരും,’ കാര്‍ലോ ആന്‍സലോട്ടി പറഞ്ഞു.
ഫുട്ബോള് ആരാധകരെ ഏറെ ആവേശത്തിലാക്കിയ മത്സരത്തിന്റെ ആദ്യ മിനിട്ടില്‍ ബാഴ്സ സൂപ്പര്‍ താരം ലാമിന്‍ യമാലിന്റെ കിടിലന്‍ ഷോട്ട് ഉണ്ടായിരുന്നെങ്കിലും ബോള്‍ വലയിലെത്തിക്കാന്‍ താരത്തിന് സാധിച്ചില്ല. എന്നാല്‍ മത്സരത്തിലെ ആദ്യ ഗോള്‍ നേടി വമ്പന്‍ പ്രകടനം കാഴ്ചവെച്ചത് കിലിയന്‍ എംബാപ്പെയാണ്. റയലിന് വേണ്ടി അഞ്ചാം മിനിട്ടില്‍ തകര്‍പ്പന്‍ ഗോള്‍ നേടിയാണ് എംബാപ്പെ ആരവം സൃഷ്ടിച്ചത്.
🏁 @RealMadrid 2-5 @FCBarcelona_es
⚽ 5′ @KMbappe
⚽ 22′ Lamine Yamal
⚽ 36′ Lewandowski (p)
⚽ 39′ Raphinha
⚽ 45’+10′ Balde
⚽ 48′ Raphinha
⚽ 60′ @RodrygoGoes#SuperSupercopa | @Emirates pic.twitter.com/E8ZtzBQmY3— Real Madrid C.F. (@realmadrid) January 12, 2025
ബാഴ്‌സയ്ക്ക് വേണ്ടി 22ാം മിനിട്ടില്‍ മിന്നും ഗോള്‍ നേടിയാണ് ലാമിന്‍ യമാല്‍ തുടങ്ങിയത്. ശേഷം 36ാം മിനിട്ടില്‍ റോബര്‍ട്ട് ലെവന്‍ഡോസ്‌കി പെനാല്‍റ്റിയിലൂടെ ബാഴ്സയുടെ ലീഡ് ഉയര്‍ത്തി.
റാഫീഞ്ഞയുടെ മിന്നല്‍ വേഗത്തിലെ ഇരട്ട ഗോളിലൂടെ 39ാം മിനിട്ടിലും 48ാം മിനിട്ടിലും ഗംഭീര പ്രകടനം നടത്താനും ടീമിന് സാധിച്ചു. ആദ്യ പകുതിയുടെ എക്സ്ട്ര ടൈമില്‍ അല്‍ജാഡ്രോ ബാല്‍ഡിയും ഗോള്‍ നേടിയപ്പോള്‍ മൂന്ന് ഗോള്‍ ലീഡാണ് ബാഴ്സ സ്വന്തമാക്കിയത്.
പരിശ്രമങ്ങള്‍ക്കൊടുവില്‍ 60ാം മിനിട്ടില്‍ റോഡ്രിഗോ നേടിയ ഗോളിന് മത്സരത്തില്‍ കാര്യമായ ചലനങ്ങള്‍ ഉണ്ടാക്കാന്‍ സാധിച്ചില്ല.
Content Highlight: Carlo Ancelotti Talking About Lose Of Super Cup
