ആരാധകര്‍ക്ക് പുതുവത്സര സമ്മാനമായി മുന്നറിയിപ്പിനു ശേഷം ഫഹദ് ഫാസിലിനെ നായകനാക്കി വേണു സംവിധാനം ചെയ്യുന്ന കാര്‍ബണ്‍ എന്ന സിനിമയിലെ ആദ്യ വീഡിയോ ഗാനം പുറത്തു വിട്ടു.. തന്നെത്താനെ എന്നു തുടങ്ങുന്ന ഗാനം ആരംഭിക്കുന്നത്, സന്തോഷേ… കുറച്ചൊക്കെ ഫാന്റസി വേണം, എന്നാലേ ജീവിതത്തില്‍ ഒരു ലൈഫുള്ളൂ എന്ന ഫഹദിന്റെ സംഭാഷണത്തോടെയാണ്.

ചിത്രത്തില്‍ മംമ്താ മോഹന്‍ദാസാണ് നായിക. ദിലീഷ് പോത്തന്‍, നെടുമുടിവേണു, സൗബിന്‍ ഷാഹിര്‍, വിജയരാഘവന്‍ എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു പൊയട്രി ഫിലിം ഹൗസ് നിര്‍മ്മിക്കുന്ന ചിത്രം കാടിന്റെ പശ്ചാത്തലത്തിലാണ് കഥ പറയുന്നത്.

ഹരി നാരായണന്റെയും റഫീഖ് അഹമ്മദിന്റെയും വരികള്‍ക്ക് വിശാല്‍ ഭരദ്വാജ് ആണ് ഈണം പകര്‍ന്നിരിക്കുന്നത്.