അമേരിക്കയിലെ പൊതുജനങ്ങള്‍ക്കിടയില്‍ നിന്ന് ഉയര്‍ന്നുവരുന്ന വെടിനിര്‍ത്തല്‍ ആഹ്വാനങ്ങള്‍ക്ക് മുന്നില്‍ യു.എസ് കോണ്‍ഗ്രസിന് മൗനം പാലിക്കാന്‍ കഴിയില്ലെന്ന് കത്തില്‍ ക്യാപിറ്റോളിലെ ഇന്റേണുകളും ഫെലോകളും പറഞ്ഞു.
യു.എസ് മേലധികാരികളോട് അവരുടെ ജോലികള്‍ എങ്ങനെ ചെയ്യണമെന്ന് നിര്‍ദേശിക്കുന്നതില്‍ നിന്ന് തങ്ങള്‍ വിട്ടുനില്‍ക്കുന്നുവെന്നും, അധികാരം ദുരുപയോഗം ചെയ്യുന്ന കോണ്‍ഗ്രസിനെ തുറന്നുകാട്ടുന്നതിനായി സഹായിച്ച അമേരിക്കന്‍ ജനതയോട് ഫെലോകള്‍ കടപ്പെട്ടിരിക്കുന്നുവെന്നും കത്തില്‍ പറയുന്നു.
അടുത്തിടെ റോയിട്ടേഴ്സ് നടത്തിയ വോട്ടെടുപ്പില്‍ ഭൂരിഭാഗം അമേരിക്കക്കാരും വെടിനിര്‍ത്തലിനെ പിന്തുണക്കുന്നതായി കണ്ടെത്തി. പങ്കെടുത്തവരില്‍ 61 ശതമാനം പേരും ഗസയില്‍ സ്ഥിരമായ വെടിനിര്‍ത്തലിനുള്ള ലോകരാഷ്ട്രങ്ങളുടെ ആഹ്വാനത്തെ പിന്തുണയ്ക്കുന്നതായി വ്യക്തമാക്കി.
നിലവിലെ കണക്കുകള്‍ പ്രകാരം ഗസയില്‍ ഇസ്രഈല്‍ നടത്തിയ ആക്രമണത്തില്‍ 17,000ത്തിലധികം ഫലസ്തീനികള്‍ കൊല്ലപ്പെട്ടതായാണ് വ്യക്തമാവുന്നത്.
Content Highlight: Capitol interns say US Congressional officials are suppressing calls for ceasefire
