'പ്രതിഷേധമൊക്കെ ഓക്കെ, പക്ഷേ ഈ ട്രക്ക് നിരത്തിയുള്ള സമരം അവസാനിപ്പിക്കണം': ജസ്റ്റിന്‍ ട്രൂഡോ
ഡൂള്‍ന്യൂസ് ഡെസ്‌ക്
Tuesday, 8th February 2022, 4:44 pm
ഒട്ടാവ: തലസ്ഥാനമായ ഒട്ടാവയില്‍ ട്രക്കുകള്‍ ഉപയോഗിച്ച് നടത്തുന്ന സമരപരിപാടികള്‍ അടിയന്തരമായി അവസാനിപ്പിക്കണമെന്ന് കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോ.
കനേഡിയന്‍ പാര്‍ലമെന്റിലെ ഹൗസ് ഓഫ് കോമണ്‍സിലെ എമര്‍ജന്‍സി സെഷനില്‍ പങ്കെടുത്ത് സംസാരിക്കുകയായിരുന്നു പ്രധാനമന്ത്രി.
”എല്ലാവരും കൊവിഡ് കാരണം മടുത്തിരിക്കുകയാണ്. എന്നാല്‍ ഈ സമരങ്ങളല്ല കൊവിഡിനെ മറികടക്കുന്നതിനുള്ള ഉപാധി,” ട്രൂഡോ പറഞ്ഞു.
കഴിഞ്ഞ കുറെ ദിവസങ്ങളായി തലസ്ഥാനനഗരമായ ഒട്ടാവയില്‍ ‘ഫ്രീഡം കണ്‍വോയ് 2022’ (Freedom Convoy 2022)ന്റെ നേതൃത്വത്തില്‍ സമരപരിപാടികള്‍ നടന്നുവരികയാണ്. കൊവിഡ് നിയന്ത്രണങ്ങള്‍ക്കും വാക്‌സിന്‍ നിര്‍ബന്ധമാക്കിയതിനുമെതിരെയാണ് പ്രതിഷേധം.
