സൗദിയില്‍ സൗന്ദര്യ മത്സരത്തില്‍ നിന്ന് 40ല്‍ അധികം ഒട്ടകങ്ങളെ പുറത്താക്കി; പ്രധാന കാരണം ബോട്ടോക്സ്
ഡൂള്‍ന്യൂസ് ഡെസ്‌ക്
Saturday, 11th December 2021, 2:27 pm
റിയാദ്: ഒട്ടകങ്ങളുടെ സൗന്ദര്യ മത്സരമായ സൗദി അറേബ്യയിലെ കിംഗ് അബ്ദുല്‍അസീസ് കാമല്‍ ഫെസ്റ്റിവലില്‍ നിന്ന് കൂട്ടത്തോടെ ഒട്ടകങ്ങളെ അയോഗ്യരാക്കി അധികൃതര്‍. 40 ല്‍ അധികം ഒട്ടകങ്ങളെയാണ് മത്സരത്തില്‍ നിന്ന് പുറത്താക്കിയത്.
ബോട്ടോക്സ് കുത്തിവെയ്‌പ്പെടുത്ത ഒട്ടകങ്ങളെയാണ് വാര്‍ഷിക മത്സരത്തില്‍ നിന്ന് പുറത്താക്കിയത്. ഒട്ടകങ്ങളുടെ ചുണ്ടുകളില്‍ കൃത്രിമം കാണിച്ച ഉടമസ്ഥരില്‍ നിന്ന് ഇരട്ട പിഴയും ഈടാക്കിയിട്ടുണ്ട്.
മത്സരത്തില്‍ ഒന്നാമതെത്താന്‍ ഒട്ടകത്തിന്റെ കീഴ്ച്ചുണ്ട് വലിച്ചുനീട്ടുന്നത് ഫെസ്റ്റിവലില്‍ വിലക്കിയിട്ടുണ്ട്. ചുണ്ട് നീളമുള്ളതായി തോന്നിപ്പിക്കാനാണ് ഇങ്ങനെ ചെയ്യുന്നത്.
