ന്യൂദല്‍ഹി: പ്രണയം നടിച്ച് വഞ്ചിച്ച കേന്ദ്രമന്ത്രി ഹരക് സിങ് റാവത്തിന്റെ അനന്തരവനെ നടുറോട്ടില്‍ കൈകാര്യം ചെയ്യുന്ന പെണ്‍കുട്ടിയുടെ വീഡിയോ സോഷ്യല്‍ മീഡിയയില്‍ വൈറലാകുന്നു.

ഹരക് സിങ് റാവത്തിന്റെ അനന്തരവന്‍ അങ്കിത്തിനെയാണ് പെണ്‍കുട്ടി മര്‍ദ്ദിച്ചത്. കഴിഞ്ഞ ഒരു വര്‍ത്തോളമായി ഇരുവരും പ്രണയത്തിലായിരുന്നു എന്നാല്‍ അങ്കിത് തന്നെ ചതിക്കുകയായിരുന്നു എന്ന് മനസിലായതോടെയാണ് ഇയാളെ കൈകാര്യം ചെയ്യാന്‍ പെണ്‍കുട്ടി തയ്യാറെടുത്തത്.

Dont Miss കോണ്‍ഗ്രസ് വക്താവ് പ്രിയങ്ക ചതുര്‍വേദിയെ വേശ്യയെന്ന് വിളിച്ച് ബി.ജെ.പി നേതാവ്: നടപടിയെടുക്കാന്‍ ആവശ്യപ്പെട്ടിട്ടും മിണ്ടാതെ അമിത് ഷാ

“നിനക്ക് എന്റെ സഹോദരിയെ കിട്ടില്ലെന്ന് പറഞ്ഞ പെണ്‍കുട്ടി, എന്തിനാണ് താങ്കള്‍ അവള്‍ക്ക് തുടരെ മെസ്സേജുകള്‍ അയക്കുന്നതെന്ന് ചോദിക്കുന്നുണ്ടായിരുന്നു. ഭാവിയില്‍ ഇനി ഒരു പെണ്‍കുട്ടിയേയും ഇത്തരത്തില്‍ ചതിക്കരുത് എന്ന് പറഞ്ഞുകൊണ്ട് അങ്കിത്തിന്റെ മുഖത്തടിക്കുകയും തൊഴിക്കുകയുമായിരുന്നു.

പെണ്‍കുട്ടി അടിക്കുന്നതില്‍ നിന്നും ഒഴിഞ്ഞുമാറാന്‍ അങ്കിത് ശ്രമിക്കുന്നുണ്ട്. ക്യാമറയില്‍ ഷൂട്ട് ചെയ്യുന്നതിന്റെ ആശങ്കയും യുവാവിന്റെ മുഖത്ത് കാണാമായിരുന്നു. നിങ്ങളുടെ രാഷ്ട്രീയമോഹങ്ങള്‍ ഞാന്‍ ഇല്ലാതാക്കിത്തരാമെന്നും ഇനി ഏതെങ്കിലും പെണ്‍കുട്ടിക്കൊപ്പം നിങ്ങളെ കണ്ടാല്‍ പ്രതികരിക്കുക ഇങ്ങനെയായിരിക്കില്ലെന്നും പെണ്‍കുട്ടി പറയുന്നുണ്ട്. ഒടുവില്‍ താന്‍ ഇനി ആരോടും ഇത്തരത്തില്‍ പെരുമാറില്ലെന്ന് അങ്കിത് കണ്ണീരോടെ കുമ്പസരിക്കുന്നുമുണ്ട്.

2016 ല്‍ ബി.ജെ.പിയില്‍ ചേരുന്നതിന് മുമ്പ് ഹരീഷ് റാവത്ത് നയിക്കുന്ന മുന്‍ കോണ്‍ഗ്രസ് സര്‍ക്കാരില്‍ ശക്തനായ മന്ത്രിയായിരുന്നു ഹരക് സിങ് റാവത്ത്.